Juan 6:27 - Porciones del Nuevo Testamento

²⁷ Kꞌãrẽ obʉdata bari zhiko jõbari kꞌarea orãũdua, awuarabʉrʉ kꞌãrẽ oudua pan jõkꞌa kꞌarea, Daizeze ũme bꞌai jõ ẽã kꞌarea, mʉ Beubari Bape bꞌʉba maʉ̃ pan marãã diaya, mʉrã maʉ̃ kꞌarea bꞌʉsia mʉ Zhibari mʉ Zezeba.

Juan 6:27 Referans Kwoze

Juan 6:54

Mʉ zharata kꞌo bꞌʉbara mʉ wata do bꞌʉbara erubꞌʉa Daizeze ũme bꞌai jõ ẽãrã, mawũẽ beudꞌata mʉã piradrʉbiya ewari nʉmʉta jõbʉrʉdꞌera.

Juan 6:40

Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Romanos 6:23

Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.

Juan 10:28

Mʉãrã dedꞌekaya Daizeze ũme bꞌai jõ ẽãta, mawũẽ aduadꞌa ẽã, miõba jãrĩkua ẽã mʉ juwuadꞌebara.

Juan 6:51

Mʉrã panta Daizeze ũme bꞌai jõ ẽãta ʉ̃treba zesia, iabꞌaʉba pan mʉta kꞌobʉrʉra Daizeze ũme bꞌai jõ ẽã bꞌaya. Pan mʉã diabʉrʉra mʉ zharata diaya. Maʉ̃ mʉãrã Daizeze ũme bꞌai jõ ẽãta diaya ẽjũãne zhãrã bꞌea.

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.

Juan 17:2

Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.

Mateo 6:19

Ne biata tʉrãũdua naʉ̃ druadꞌe, namarã zhi muĩba ãrĩbaria, ne uyezoa jõ bꞌʉa, namarã nezrʉgamiãrãta edꞌa wãpe zrʉgabada.

Juan 6:58

Mʉta panta ʉ̃treba zedꞌa. Marã zhibarirã bꞌeadꞌaba maná kꞌodꞌapeadꞌa kĩrãkꞌa bꞌʉ ẽã, mawũã kꞌosidꞌamina beukuasia. Pan mʉta kꞌobʉrʉra Daizeze ũme bꞌai jõ ẽã bꞌaya.

Lucas 3:22

Mawũẽ Jawurebiata izhi ʉ̃rʉ̃ zesia pusirã kĩrãkꞌa. Maʉ̃ne Daizezeta bãjãneba bedꞌeabʉrʉta mawũãsia: Bʉra mʉ Warra mʉãrã kʉãgꞌa, mʉrã bʉ kꞌarea sobia bꞌʉa.

Juan 3:33

Izha jara bꞌʉta iabꞌaʉba ĩjãrã maʉ̃ĩtara Daizezera wãrĩnu bedꞌea bꞌʉa.

Hechos 2:22

Israelitarã, bedꞌeata mʉã za jaraita ũrĩũdua: Jesús Nazaredꞌebema Daizezebara izhidꞌeba nʉmʉta kꞌawuabibʉrʉta marãne edꞌa ũdudꞌakꞌata bio osia izhidꞌeba, maʉ̃ marãbara kꞌawua bꞌea.

Juan 6:68

Mawũãĩ Simón Pedroba panaʉ̃ mawũãsia: Nokꞌó, ¿daira kꞌaima wãĩpe? Bʉabʉrʉ bedꞌeata erubꞌʉa Daizeze ũme bꞌai jõ ẽãta.

Lucas 9:35

Maʉ̃ne Daizezeta jãrãrãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, izhi bedꞌeara ũrĩũdua.

Romanos 4:11

Abraham kꞌakua eta kꞌõnabara kꞌawuabi bꞌʉa Daizezeba bedꞌea ne ẽã bꞌʉdꞌata izha jarabʉrʉta ĩjãbʉrʉba wadꞌi kꞌakua eta kꞌõ ẽã bꞌʉdꞌe. Aramaʉ̃nerã kꞌakua eta kꞌõ ẽã bꞌeba Daizezedꞌebema ĩjã bꞌe zezea, abꞌarika ĩjã bꞌeba bedꞌea ne ẽã duanukꞌãrĩã.

Juan 15:24

Mʉã ãzhidꞌe edꞌa awʉrʉba okꞌata osi ẽbʉrʉ kꞌazhirua ne ẽã bꞌeakꞌausia, mawũãmina akʉ bꞌeta juradea mʉta, mʉ Zezeta.

Juan 14:6

Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Juan 11:42

Mʉãrã kꞌawua bꞌʉa bʉara mʉ bedꞌeara baridua ũrĩ bꞌʉta, mawũãmina mʉrã mawũã bedꞌeabʉrʉa kꞌabanata za kꞌobꞌe kꞌarea, aramaʉ̃ne ĩjãnamarẽã mʉrã bʉa zokꞌadꞌata.

Juan 8:18

Aramaʉ̃ kĩrãkꞌa mʉãrã mʉnebemata jara bꞌʉa, mʉ Zeze mʉ zokꞌadꞌabidꞌa jara bꞌʉa mʉnebemata.

Marcos 9:7

Maʉ̃ne ãzhi ʉ̃rʉ̃ zesia jãrãrãta, maʉ̃ jãrãrãneba Daizezeta bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, izhi bedꞌeara ũrĩũdua.

Marcos 1:11

Maʉ̃ne Daizezeta bãjãneba bedꞌeabʉrʉta mawũãsia: Bʉra mʉ Warra mʉãrã kʉãgꞌa, mʉrã bʉ kꞌarea sobia bꞌʉa.

Mateo 17:5

Mawũã bedꞌea kꞌobꞌʉdꞌe ãzhira ãnabꞌarisia jãrãrã ʉ̃naba, maʉ̃ne Daizezeta jãrãrãneba bedꞌeabʉrʉta mawũãsia: Naʉ̃ mʉ warra mʉãrã kʉãgꞌa, mʉrã izhi kꞌarea sobia bꞌʉa, izhi bedꞌeara ũrĩũdua.

Mateo 3:17

Maʉ̃ne Daizezeta bãjãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, mʉrã izhi kꞌarea sobia bꞌʉa.

Mateo 8:20

Mawũãĩ Jesúsbara mawũãsia: Usa pã de bara bꞌʉa, ibanasidꞌa de bara bꞌʉa, mawũãmina mʉ Beubari Bape bꞌʉra ne ẽã sãma kꞌãĩ bꞌaira.

Mateo 25:46

Maʉ̃rã wãña zuburiata jõ ẽãma, waya biata bꞌera wãña Daizeze ũme bꞌai jõ ẽãma.

Juan 3:15

Aramaʉ̃ne mʉnebemata ĩjãbʉrʉra adua ẽbamarẽã, awuarabʉrʉ erubꞌamarẽã Daizeze ũme bꞌai jõ ẽãta.

Juan 6:47

Mʉã wãrĩnu marãã jaraya: Mʉnebemata ĩjã bꞌʉbara erubꞌʉa Daizeze ũme bꞌai jõ ẽãta.

Juan 6:53

Mawũãnaĩ Jesúsbara mawũãsia: Mʉã wãrĩnu marãã jaraya: Mʉ Beubari Bape bꞌʉ zharata kꞌodꞌa ẽbʉrʉ, mʉ wata dodꞌa ẽbʉrʉ erubꞌea ẽã Daizeze ũme bꞌai jõ ẽãrã.

Juan 6:62

¿Mobera sãwũãnaĩpe mʉ Beubari Bape bꞌʉta ʉ̃taa wãbʉrʉta ũdudꞌara naara mʉ bꞌadꞌama?