Juan 5:42 - Porciones del Nuevo Testamento

⁴² Maʉ̃ẽnabema mʉã marã ũdukꞌawua bꞌʉa, marãbara Daizezera kʉãgꞌadꞌa ẽã.

Juan 5:42 Referans Kwoze

Juan 2:25

Aramaʉ̃ne zhãrãnebema jaradꞌaira nesidꞌa ẽbasia, aramaʉ̃ne izhara kꞌau basia sodꞌera zhãrã sãwũã bꞌeta.

Romanos 8:7

Zharadꞌebemata krĩcha bꞌedꞌeba Daizezeba jurata bꞌebara Daizeze ũrãgꞌara aribꞌaedꞌa ẽã, miã bꞌedꞌa ẽã.

Juan 21:17

Jarama ũbeata mawũãsia: Simón Jonás warra, ¿bʉa mʉrã kʉãgꞌakꞌa? Pedrora sopuasia mawũã jarama ũbea, ¿bʉa mʉrã kʉãgꞌakꞌa abʉrʉba? Mawũẽ mawũãsia: Nokꞌó bʉara jõma kꞌawua bꞌʉa. Bʉa kꞌawua bꞌʉa mʉã bʉra kʉãgꞌata. Mawũãĩ Jesúsbara mawũãsia: Jʉredua mʉ pẽwã bꞌeta.

Juan 8:55

Mawũãmina marãbara izhira ũdukꞌawua duanu ẽã, maʉ̃ne mʉãrã ũdukꞌawua bꞌʉa, mʉã ũdukꞌawua bꞌʉ ẽã ara, sewa nebʉrʉmiã baya marã kĩrãkꞌa, mawũãmina mʉãrã ũdukꞌawua bꞌʉa, mawũẽ mʉãrã izhi bedꞌeara aribꞌae bꞌʉa.

Juan 8:47

Daizezedꞌeta bꞌʉbara Daizeze bedꞌeata ũrĩ bꞌʉa, mawũãmina marãbara ũrĩna ẽã Daizezedꞌeta duanu ẽãba.

Juan 8:42

Mawũãnaĩ Jesúsbara mawũãsia: Marã zezeta Daizeze basibʉrʉ, marãbara mʉrã kʉãgꞌa kꞌausidꞌa. Mʉrã Daizeze maẽba zedꞌaba mʉzhikusaudꞌeba ze ẽbasia, awuarabʉrʉ mʉrã izha zokꞌasia.

Juan 5:44

¿Marãbara mʉnebema sãwũã ĩjãnaĩpe kꞌãwũã mazhirãĩnubʉrʉ zhiya bia jara bꞌera? Kꞌãwũãrã Daizeze abꞌa bꞌʉba bia jaramarẽã duanu ẽã.

Lucas 16:15

Mawũẽ Jesúsbara mawũãsia: Zhãrã kĩrãbitara marã biarã kĩrãkꞌa bꞌea, mawũãmina Daizezebara ũdukꞌawua bꞌʉa marã sora. Zhãrãba kꞌãbãẽã ne biadꞌe erubꞌera Daizezebara krĩña ẽã.

Juan 5:41

Mʉãrã zhãrãba mʉta bia jaradꞌamarẽã nʉmʉ ẽã.

Juan 5:43

Mʉrã zesia mʉ Zezedꞌeba, maʉ̃ta marãbara mʉrã bia edadꞌa ẽã, awʉrʉta izhikusaudꞌeba zera maʉ̃ marãbara bia edadꞌaya.