Juan 5:25 - Porciones del Nuevo Testamento

²⁵ Mʉã wãrĩnu marãã jaraya: Ewarita zeya, maʉ̃ ewarira ya arabasia, mawũẽ aduaita bꞌebara ũrĩnaña mʉ Daizeze Warra nemita, mʉ bedꞌeata ũrĩbʉdara Daizeze ũme bꞌai jõ ẽã bꞌeaya.

Juan 5:25 Referans Kwoze

Juan 5:28

Mʉã maʉ̃ta jarabʉrʉ kꞌarea kꞌawua ẽã krĩcharãũdua, ewarita zeya, maʉ̃ ewadera beudꞌapeadꞌata jou nʉmebara ũrĩnaña mʉ nemirã.

Juan 4:23

Mawũãmina ewarita zeya, maʉ̃ ewarira ya arabasia, mawũẽ Daizeze wãrĩnu ibia jara bꞌebara Jawurebiadꞌeba wãrĩnu ibia jaradꞌaya, Daizezebara krĩña bꞌʉa izhira mawũã ibia jaradꞌaita.

Juan 8:47

Daizezedꞌeta bꞌʉbara Daizeze bedꞌeata ũrĩ bꞌʉa, mawũãmina marãbara ũrĩna ẽã Daizezedꞌeta duanu ẽãba.

Romanos 6:4

Buru kꞌoedꞌadꞌeba dazhira izhi ũme jou kꞌobꞌadꞌe wãsia, mawũẽ Cristo beudꞌata zhi Zezeba izhi zareaba piradrʉbidꞌa kĩrãkꞌa dazhisidꞌa piradrʉbisia zokꞌai nimibamarẽã zhiwidꞌidꞌe.

Juan 8:43

¿Marãbara kꞌãrẽneba sãwũãta kꞌawuadꞌa ẽpe mʉã jara bꞌʉra? Kꞌawua ẽã bꞌea mʉ bedꞌeara ũrĩ krĩña ẽã bꞌeba.

Juan 5:21

Mʉ Zezebara beukuadꞌara piradrʉbipe zokꞌai bꞌʉbari kĩrãkꞌa, mʉ zhi Warrabidꞌa mawũã okrĩñabʉrʉrãta zokꞌai bꞌʉbaria.

Lucas 15:24

Naʉ̃ mʉ warra beudꞌa kĩrãkꞌa nʉmanata zokꞌai bꞌʉa, aduadꞌata ũdubʉda. Aramaʉ̃ne fiesta kꞌaudꞌa duanesia sobia.

Lucas 9:60

Mawũãĩ Jesúsbara mawũãsia: Aduaita beuya bꞌea idu joubigarua ãzhirãta beubʉdara. Mawũãmina bʉara jaradꞌe wãrũã Daizezeta Nokꞌodꞌebemata.

Juan 4:21

Mawũãĩ Jesúsbara mawũãsia: Mʉã za jaraita ĩjãrũã, ewarita zeya, maʉ̃nerã marãbara naʉ̃ kꞌatumane miã Jerusalénne ibia jaradꞌa ẽã Daizezera.

Lucas 15:32

Mawũãmina fiesta odꞌaita bara basia sobiadꞌaita. Naʉ̃ bʉ mebeara beudꞌa kĩrãkꞌa nʉmanata zokꞌai bꞌʉba, aduadꞌata ũdubʉdaba.

Juan 17:1

Jesúsbara maʉ̃ta jarape ʉ̃taa akʉ zhiwidꞌi mawũãsia: Zeze, ewarira arabasia, mawũẽ kꞌawuabigarua mʉ bʉ Warra zhi zromata, aramaʉ̃ne mʉ bʉ Warrabidꞌa kꞌawuabigaya bʉra zhi zromata.

Juan 13:1

Egiptodꞌeba ẽzoadꞌata krĩcha fiesta obada nawedꞌa, Jesúsbara kꞌawua bꞌasia ewari arabata naʉ̃ ẽjũãnebara zhi Zezema wãĩta, izhi pẽwã bꞌeta naʉ̃ ẽjũãne bꞌera kʉãgꞌaba kʉãgꞌasia druadꞌe bꞌʉ ewarita jõbʉrʉidꞌu.

Juan 6:60

Maʉ̃ta ũrĩnape izhi pẽwã bꞌebara bioba mawũãsidꞌa: Maʉ̃ bedꞌeara zarea. ¿Mawũẽ kꞌaiba ũrĩ bꞌeipe?

Juan 9:27

Mawũãnaĩ izhara panaʉ̃ mawũãsia: Mʉãrã ya marãã jarasia, mawũãmina marãbara ũrĩna ẽã. ¿Kꞌãrẽã wakusa ũrĩ krĩña panʉ? ¿Marãbidꞌa pẽwã krĩña panʉka?