Juan 4:9 - Porciones del Nuevo Testamento

⁹ Mawũãĩ wũẽrã Samariadꞌebemabara mawũãsia: ¿Bʉra judíota sãwũã baniã doita mʉãã widꞌibʉrʉ, maʉ̃ne mʉrã wũẽrã Samariadꞌebemata bꞌʉ ẽka? Mawũãsia judíorã Samariadꞌebema bawara zhi biata duanu ẽbaera.

Juan 4:9 Referans Kwoze

Hechos 10:28

Mawũẽ mawũãsia: Marãbara kꞌawua bꞌea judíobara sãwũã igarata ãĩbemata orraira, mawũãmina Daizezeba mʉãã ũdubisia miõta jara ẽbamarẽã ne mitiata.

Juan 8:48

Mawũãĩ judíorãbara panaʉ̃ mawũãsidꞌa: ¿Kꞌãʉ̃neba bia daibara bʉra Samaria bidꞌata jara panʉta bʉra jaiba erunʉmʉ ẽka?

Mateo 10:5

Jesúsbara doce maʉ̃rãta zokꞌabʉrʉta mawũãsia: Judíorã ẽãta bꞌema wãrãũdua, Samaria druadꞌebema pʉwʉrʉdꞌera edꞌa wãrãũdua.

Hechos 1:8

Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.

Juan 4:27

Maʉ̃ne izha jʉrʉkuadꞌara zesidꞌa, mawũẽ bia akʉdruasidꞌa wũẽrã ũme bedꞌea kꞌobꞌʉba, mawũãmina miõba widꞌidꞌa ẽbasia kꞌãrẽta widꞌi bꞌʉra, o maʉ̃ wũẽrã ũme kꞌãrẽ ʉ̃rʉ̃ bedꞌea kꞌobꞌʉra.

Lucas 10:33

Mawũãmina Samariadꞌebemata odꞌe wãta izhi kꞌaita zebʉrʉdꞌe ũdui sozuburiasia.

Hechos 10:32

Mawũẽ zhãrãta zokꞌadua Jope pʉwʉrʉedꞌa, aramaʉ̃ne zebirua Simónta, maʉ̃ abꞌaʉta Pedroa, maʉ̃ bꞌʉa Simón abada dedꞌa, ne eta bi-ia obari maẽ bꞌʉa pusa kꞌaita. Maʉ̃ta zebʉrʉdꞌera bʉaa bedꞌeaya.