Juan 4:25 - Porciones del Nuevo Testamento

²⁵ Mawũãĩ wũẽrãbara mawũãsia: Mʉã kꞌawua bꞌʉa zhãrã Ẽdrʉbiira zeita, izhi zebʉrʉdꞌera daia bia jarakꞌaya ne jõma.

Juan 4:25 Referans Kwoze

Juan 1:49

Mawũãĩ Natanaelbara mawũãsia: Miã Ũrãgꞌabari, bʉra Daizeze Warra, bʉra Israel duanu Rey.

Juan 4:42

Maʉ̃nerã wũẽrãã mawũãsidꞌa: Daibara ĩjã kꞌopanʉ ẽã bari bʉa jarabʉrʉdꞌeba, awuarabʉrʉ izhi bedꞌeara jipa daiba ũrĩbʉda, mawũẽ kꞌawuabʉda naʉ̃ wãrĩnu ẽjũãne zhãrã bꞌeta Ẽdrʉbiita.

Juan 4:29

Ũmakĩrãta akʉdꞌe zeudua, jõma jarabʉrʉa mʉã kꞌãrẽ odꞌata. ¿Kꞌãgʉra zhãrã Ẽdrʉbii ẽka?

Mateo 1:16

Jacobo warra José, Joséra María kĩma basia, Jesúra Maríaba todꞌata zhãrã Ẽdrʉbia abada.

Juan 4:39

Samaria bidꞌarã maʉ̃ pʉwʉrʉdꞌe bꞌebara bioba Jesúsdꞌebema ĩjãsidꞌa, maʉ̃ẽnabema wũẽrãba mawũãsia: Kꞌãʉ̃bara mʉãã jarasia mʉã kꞌãrẽ odꞌata jõma.

Mateo 27:17

Ãzhi bʉredrʉ kꞌobꞌedꞌe Pilatobara mawũãsia: ¿Marãbara sãʉ̃ta ẽnaĩta krĩñadepe Barrabáta o Jesús zhãrã Ẽdrʉbia apanʉta?

Mateo 27:22

Mawũãnaĩ Pilatobara mawũãsia: ¿Mobera mʉãrã Jesús sãwũã oipe zhãrã Ẽdrʉbia apanʉrã? Mawũãĩ jõmaʉ̃ba mawũãsidꞌa: ¡Cruzdꞌe kꞌachibirua!

Lucas 2:11

Idꞌi rey David pʉwʉrʉdꞌe tosia zhãrã Ẽdrʉbita, izhira zhãrã ẽdrʉbita Nokꞌoa.