Juan 3:28 - Porciones del Nuevo Testamento

²⁸ Mʉã jaradꞌara marãbara kꞌawua bꞌeta mʉãrã mawũãsia: Mʉ ẽã zhãrã Ẽdrʉbira, awuarabʉrʉ izhi zeita jarakꞌamarẽã mʉrã izhi na zokꞌadꞌapeadꞌa.

Juan 3:28 Referans Kwoze

Juan 1:20

Mawũãnaĩ merã ẽã jarabʉrʉta mawũãsia: Mʉ ẽã zhãrã Ẽdrʉbiira.

Juan 1:23

Mawũãnaĩ Juanbara mawũãsia: Mʉrã iabꞌa nemi jĩgua bedꞌeaidꞌebemata drua drudrua tabꞌʉ maẽ mawũãĩnebema: Bia ẽãrã ãmabʉdaba jipa obʉdakꞌaudua Nokꞌo zei ota. (Isaías 40:3) Mawũãĩnebema Daizezeba bedꞌeata jarabibariba Isaíaba jaradꞌa kĩrãkꞌa.

Mateo 3:3

Juan mawũã bedꞌeaita jaradꞌata Daizezeba bedꞌeata jarabibariba Isaíaba mawũãsia: Iabꞌa nemi jĩgua bedꞌeabʉrʉta drua drudrua tabꞌʉ maẽ mawũãña: Bia ẽãrã ãmabʉdaba araa obʉdakꞌaudua Nokꞌo zei ota, jipa obʉdakꞌaudua izhi zei ota. (Isaías 40:3)

Juan 1:25

Maʉ̃rãbara widꞌi mawũãsidꞌa: ¿Bʉara kꞌai bedꞌeadꞌeba zhãrã buru kꞌoe bꞌʉ, zhãrã Ẽdrʉbiita bʉ ẽbʉrʉ, miã Elía ẽbʉrʉ, miã Daizezeba bedꞌeata jarabibari ẽbʉrʉ?

Lucas 1:76

Warra zake bʉra Ʉ̃trebemaba bedꞌeata jarabibaria adꞌaya. Bʉra dazhi Nokꞌo nawedꞌa nʉmaña bia ẽãrã ãmabʉdaba araa obʉdakꞌamarẽã izhi zei ota.

Juan 1:27

Maʉ̃ mʉ tẽã urua, izhira mʉ audre zhi zroma, nezokꞌaba obari kĩrãkꞌara mʉãrã ẽnaĩne bꞌʉ ẽã izha jẽrũne jʉ̃ bꞌʉra.