Juan 20:18 - Porciones del Nuevo Testamento

¹⁸ Mawũãĩ María Magdalena wãsia Jesúsba jʉrʉkuadꞌaa jaraita Nokꞌo Jesús izha ũdudꞌata. Aramaʉ̃ne jarakꞌasia Jesúsba jaradꞌata.

Juan 20:18 Referans Kwoze

Lucas 24:10

Ãzhira panasia María Magdalenata, Juanata, María Jacobo papata, awʉrʉrãsidꞌa ãzhi bawara panasia, maʉ̃rãba maʉ̃ta jarasidꞌa Jesúsba jʉrʉkuadꞌaa.

Mateo 28:10

Maʉ̃ne Jesúsbara mawũãsia: Perarãũdua, wãnape mʉ mebẽrãã jaraudua Galileaedꞌa wãnamarẽã, mʉrã maĩnu ũdudꞌaya.

Juan 20:1

Semana ewarita nabemata domingodꞌe María Magdalena diapedꞌa wadꞌi pãrĩgua nʉmʉne wãsia Jesús wuagꞌadꞌapeadꞌaidꞌu. Maʉ̃nerã peña zobꞌeata tapa kꞌobꞌadꞌara mongꞌara ãña ʉratʉ kꞌobꞌʉta ũdusia.

Mateo 27:56

Maʉ̃rãnebema duanasia María Magdalenata, María dewarabema Jacoboba Joséba ãzhi papata bꞌasia, Zebedeo warrarã papasidꞌa bꞌasia.

Juan 19:25

Jesús cruzdꞌe jirabꞌʉ kꞌaita panasia zhi papata, wũẽrã zhi papa mebeata, María Cleofas kĩmata, María Magdalenata.