Juan 2:24 - Porciones del Nuevo Testamento

²⁴ Mawũãmina Jesúsbara kꞌawuasia ãzhara wãrĩnu ĩjãbʉda ẽãta, zhãrãnebema jõma kꞌau baera.

Juan 2:24 Referans Kwoze

Juan 6:64

Mawũãmina marã ʉ̃kʉrʉbara ĩjãna ẽã. Jesúsbara mawũã jarasia jẽde wedꞌauba kꞌawua bꞌasi baera kꞌairãba ĩjãna ẽãta, aramaʉ̃ne kꞌawua bꞌasia izhira kꞌaiba chãbꞌariita.

Hechos 1:24

Mobebʉrʉ zhiwidꞌi mawũãsidꞌa: Nokꞌó, bʉabʉrʉ jõmaʉ̃ sota ũdukꞌawua bꞌʉa, mawũẽ daia kꞌawuabirua naʉ̃rã ũmenebema bʉa sãʉ̃ta jʉrʉbʉrʉta.

Mateo 9:4

Jesúsbara ãzhi krĩchara kꞌawuape mawũãsia: ¿Kꞌãrẽã bĩ ẽã krĩcha kꞌobꞌe marã sodꞌera?

Juan 16:30

Idꞌibʉrʉ daibara kꞌawuabʉda bʉara ne jõma kꞌawua bꞌʉta, mawũẽ miõba kꞌãrẽ widꞌidꞌaira nesidꞌa ẽã, kꞌãʉ̃ba daibara ĩjã bꞌea bʉra zesita Daizeze maẽba.

Juan 5:42

Maʉ̃ẽnabema mʉã marã ũdukꞌawua bꞌʉa, marãbara Daizezera kʉãgꞌadꞌa ẽã.

Juan 21:17

Jarama ũbeata mawũãsia: Simón Jonás warra, ¿bʉa mʉrã kʉãgꞌakꞌa? Pedrora sopuasia mawũã jarama ũbea, ¿bʉa mʉrã kʉãgꞌakꞌa abʉrʉba? Mawũẽ mawũãsia: Nokꞌó bʉara jõma kꞌawua bꞌʉa. Bʉa kꞌawua bꞌʉa mʉã bʉra kʉãgꞌata. Mawũãĩ Jesúsbara mawũãsia: Jʉredua mʉ pẽwã bꞌeta.

Marcos 2:8

Jesúsbara kꞌawuasia ãzhi bitabai mawũã krĩcha kꞌobꞌeta, mawũẽ mawũãsia: ¿Kꞌãrẽã kꞌãwũã krĩcha kꞌobꞌe marã sodꞌera?

Juan 6:15

Maʉ̃nerã Jesúsbara kꞌawuasia izhira zareadꞌe edeita kꞌopanʉta rey babidꞌaita, mawũẽ wakusa kꞌatumaẽna wãsia izhi dobꞌa.

Juan 1:42

Aramaʉ̃ne wesia Jesúsma. Jesúsbara ũdui mawũãsia: Bʉra Simón Jonás warra, bʉ trʉ̃rã Cefa baya. Maʉ̃ trʉ̃bara jara krĩña bꞌʉa Pedrota o Peñata.

Hechos 15:8

Daizezebara jõmaʉ̃ sota ũdukꞌawua bꞌʉba mawũã ĩjãnaĩrã bigata kꞌawuabibʉrʉba Jawurebiata dedꞌekasia dazhirãã diadꞌa kĩrãkꞌa.

Juan 4:16

Mawũãĩ Jesúsbara mawũãsia: Bʉzhi kĩmata trʉ̃ne wãrũã, mobe zeudua naĩnu.