Juan 19:6 - Porciones del Nuevo Testamento

⁶ Jesús ũdubʉdadꞌera sacerdoterã nokꞌorãbara, Daizeze de akʉbadabara nemi jĩgua mawũãsidꞌa: ¡Cruzdꞌe kꞌachibirua! ¡Cruzdꞌe kꞌachibirua! Mawũãnaĩ Pilatobara mawũãsia: Mazhabʉrʉ cruzdꞌe kꞌachiudua. Mʉma naʉ̃ bedꞌea ne ẽã.

Juan 19:6 Referans Kwoze

Juan 18:31

Mawũãnaĩ Pilatobara mawũãsia: Mazhabʉrʉ ededꞌape kꞌawua oudua mazhi ũrãgꞌaba jara bꞌʉdꞌe. Mawũãĩ judíorãbara mawũãsidꞌa: Marã Roma bidꞌarãbara daia idu beabidꞌa ẽã miõta.

Juan 19:4

Pilato wakusa ãĩ zepe mawũãsia: Akaudua, mʉãrã wakusa ãĩ webʉrʉa kꞌawuadꞌamarẽã mʉma naʉ̃ bedꞌea ne ẽãta.

Hechos 7:52

¿Daizezeba bedꞌeata jarabibarita bꞌeadꞌara zuburia odꞌaita pẽwã bꞌeasi ẽka marã zhibarirãbara? Ãzhara beasidꞌa Jesucristo zeita nawedꞌa jarabʉdara, marãbara izhira chãbꞌaridꞌape beabisidꞌa.

Hechos 2:23

Maʉ̃ Jesús izha nawedꞌa krĩchadꞌadꞌe chãbꞌarisia Daizezebara, mawũẽ marãbara jidadꞌape bia ẽãta bꞌea beabisidꞌa cruzdꞌe kꞌachi.

Juan 19:15

Mawũãĩ nemi jĩgua mawũãsidꞌa: ¡Beabirua! ¡Beabirua! ¡Cruzdꞌe kꞌachibirua! Mawũãnaĩ Pilatobara mawũãsia: ¿Marã Reyra mʉã cruzdꞌe kꞌachibiidꞌe bꞌʉka? Mawũãĩ sacerdoterã nokꞌorãbara panaʉ̃ mawũãsidꞌa: Daibara rey ãmaña eruduanu ẽã rey César awuarara.

Lucas 23:4

Mawũãĩ Pilatobara sacerdoterã nokꞌorãta kꞌobꞌea, zhãrã kꞌobꞌea mawũãsia: Mʉma ũmakĩrã naʉ̃ bedꞌea ne ẽã.

Mateo 27:24

Mawũẽ Pilatobara kꞌãrẽ obꞌe ẽãta kꞌawuape wuaabʉrʉ kĩrũbʉkabʉdaba baniãta jiraedape juwua sʉgʉsia zhãrã kꞌobꞌe kĩrãbita, mobe mawũãsia: Mʉrã bedꞌea ne ẽbaya naʉ̃ biata bꞌʉ bebubara. Marãtrʉ naʉ̃ kꞌaudꞌa bꞌea.

Mateo 27:22

Mawũãnaĩ Pilatobara mawũãsia: ¿Mobera mʉãrã Jesús sãwũã oipe zhãrã Ẽdrʉbia apanʉrã? Mawũãĩ jõmaʉ̃ba mawũãsidꞌa: ¡Cruzdꞌe kꞌachibirua!

Mateo 26:58

Pedrora arajĩga kꞌaidꞌu wãsia sacerdote wagꞌau drogꞌoaidꞌu. Aramaʉ̃ne edꞌa wãpe Daizeze deta akʉbada bawara jewedꞌasia sãwũã odꞌaita akʉita.

Juan 18:3

Mawũẽ Judabara jʉre edesia soldaorãta, Daizeze de akʉbadata, maʉ̃rã zokꞌasidꞌa sacerdoterã nokꞌorãba, fariseorãba, aramaʉ̃ne mama erbuesia ĩbĩrãẽna, kuchoedꞌa.

Juan 18:38

Mawũãĩ Pilatobara mawũãsia: ¿Kꞌãrẽpe wãrã? Mawũãpe wakusa wãsia judíorãma, mobe mawũãsia: Mʉma naʉ̃ bedꞌea ne ẽã.