Juan 19:41 - Porciones del Nuevo Testamento

⁴¹ Jesús cruzdꞌe kꞌachidꞌapeadꞌa kꞌaita bꞌasia ne uta, mawũã ne uta bꞌʉ maẽ bꞌasia peña zobꞌeata zhiwidꞌita. Mamarã beuwãrã wadꞌi bꞌʉdꞌa ẽbasia miõta.

Juan 19:41 Referans Kwoze

Lucas 23:53

Aramaʉ̃ne cruzdꞌebara ãĩ edape burasia burubꞌaba, mobe edꞌa tabꞌʉsia peñata zobꞌea kꞌorubidꞌa maẽ, mamarã beuwãrã wadꞌi bꞌʉdꞌa ẽbasia miõta.

Mateo 27:60

Mobe edꞌa tabꞌʉsia izhidꞌe beuwãrã wuagꞌai nʉmʉta zhiwidꞌi maẽ, maʉ̃ izhara peñata zobꞌea kꞌorubidꞌa basia. Edꞌa wãbari maẽ mongꞌara zromaba tapabigape wãsia.

Juan 20:15

Maʉ̃ne Jesúsbara mawũãsia: Wũẽrã, ¿bʉra kꞌãrẽã jẽga bꞌʉ? ¿Kꞌaita jʉrʉ bꞌʉ? Mawũãĩ izhara ne uta akʉbarita krĩchape mawũãsia: Jesús kꞌakuata bʉa edesibʉrʉ mʉãã jaradua sãma tabꞌʉsita, mobedꞌeba mʉã edeya.

Juan 19:42

Egiptodꞌeba ẽzoadꞌata krĩcha judíorãba fiesta odꞌaita aribꞌae jirpanʉ baera mawũã beuwãrã wuagꞌaita arakꞌaita nʉmʉ maẽ edꞌa tabꞌʉsidꞌa Jesúra.