Juan 19:25 - Porciones del Nuevo Testamento

²⁵ Jesús cruzdꞌe jirabꞌʉ kꞌaita panasia zhi papata, wũẽrã zhi papa mebeata, María Cleofas kĩmata, María Magdalenata.

Juan 19:25 Referans Kwoze

Lucas 23:49

Mawũãmina jõma Jesúsba ũdukꞌaubara, wũẽrãrã Galilea druadꞌeba izhi kꞌaidꞌu zekuadꞌabara wawarauba akʉ duanasia mawũã dogꞌora.

Juan 20:1

Semana ewarita nabemata domingodꞌe María Magdalena diapedꞌa wadꞌi pãrĩgua nʉmʉne wãsia Jesús wuagꞌadꞌapeadꞌaidꞌu. Maʉ̃nerã peña zobꞌeata tapa kꞌobꞌadꞌara mongꞌara ãña ʉratʉ kꞌobꞌʉta ũdusia.

Lucas 24:18

Mawũãĩ abꞌaʉba panaʉ̃bʉrʉta Cleofas abadaba mawũãsia: ¿Bʉtrʉ abꞌabai Jerusalénne ãĩbemata kꞌobꞌʉka, kꞌawua ẽbʉrʉ mama sãwũã berabꞌarita naʉ̃ ewade?

Lucas 8:2

Wũẽrãrã ʉ̃kʉrʉ kꞌaidꞌu bꞌeasia bꞌekuadꞌata jai abꞌeta, kꞌaya bꞌeta. Abꞌa María Magdalena abazhidꞌa, maʉ̃nebara ẽzoasia jai siete.

Lucas 2:35

Kuchota diaju nʉmʉ kĩrãkꞌa nʉmaña bʉ sopuara, maʉ̃nebara kꞌawuadꞌaya bio sãwũã krĩcha bꞌeta sodꞌeba.

Marcos 16:9

Jesús beudꞌata diapedꞌa piradrʉbʉrʉra semana ewarita nabemata domingodꞌera naara zhi ũdubisia María Magdalenaa, maʉ̃ wũẽrãnebara jʉrekua bazhia jai siete.

Mateo 12:46

Zhãrã kꞌobꞌea Jesús mawũã bedꞌea nʉmʉne, zhi papata zhi mebẽrãta ewaradꞌe kꞌopanʉta izhaa bedꞌea krĩña kꞌopanasia.