Juan 19:15 - Porciones del Nuevo Testamento

¹⁵ Mawũãĩ nemi jĩgua mawũãsidꞌa: ¡Beabirua! ¡Beabirua! ¡Cruzdꞌe kꞌachibirua! Mawũãnaĩ Pilatobara mawũãsia: ¿Marã Reyra mʉã cruzdꞌe kꞌachibiidꞌe bꞌʉka? Mawũãĩ sacerdoterã nokꞌorãbara panaʉ̃ mawũãsidꞌa: Daibara rey ãmaña eruduanu ẽã rey César awuarara.

Juan 19:15 Referans Kwoze

Lucas 23:18

Maʉ̃ne kꞌabanabara jõmaʉ̃ba nemi jĩgua mawũãsidꞌa: ¡Kꞌãʉ̃ beabirua, mobe daiitara ẽnadua Barrabáta!

Hechos 22:22

Pablo bedꞌeara mamabai ũrĩsidꞌa. Aramaʉ̃ne nemi jĩgua mawũãsidꞌa: Druadꞌebara kꞌãʉ̃ nebabirua, kꞌãʉ̃ bꞌaidꞌe bꞌʉ ẽã.

Hechos 21:36

Kꞌabanata kꞌaidꞌu tẽã zebʉdabara nemi jĩgua mawũãsidꞌa: ¡Beuibara!

Juan 19:6

Jesús ũdubʉdadꞌera sacerdoterã nokꞌorãbara, Daizeze de akʉbadabara nemi jĩgua mawũãsidꞌa: ¡Cruzdꞌe kꞌachibirua! ¡Cruzdꞌe kꞌachibirua! Mawũãnaĩ Pilatobara mawũãsia: Mazhabʉrʉ cruzdꞌe kꞌachiudua. Mʉma naʉ̃ bedꞌea ne ẽã.

Juan 18:31

Mawũãnaĩ Pilatobara mawũãsia: Mazhabʉrʉ ededꞌape kꞌawua oudua mazhi ũrãgꞌaba jara bꞌʉdꞌe. Mawũãĩ judíorãbara mawũãsidꞌa: Marã Roma bidꞌarãbara daia idu beabidꞌa ẽã miõta.

Mateo 22:17

Bʉma sãwũãta daia jaradua: ¿Diasia bꞌʉka rey César plata diabadara, o dia bꞌe ẽ?

Hechos 13:28

Kꞌãrẽã beadꞌaira ne ẽãne Pilatoa jarasidꞌa beabimarẽã.