Juan 18:20 - Porciones del Nuevo Testamento

²⁰ Mawũẽ Jesúsbara panaʉ̃ mawũãsia: Mʉrã dajada bedꞌea bꞌasia zhãrã jõmaʉ̃ daidꞌu. Mʉrã baridua miã ũrãgꞌa bꞌasia de zhi jʉrebada maẽ, Daizeze dedꞌa ewara maẽ, judíorã jõma zhi jʉrebada maẽ, mʉãrã aramaʉ̃ne kꞌãrẽ chupea jara bꞌa ẽbasia.

Juan 18:20 Referans Kwoze

Juan 7:26

Akaudua, jõmaʉ̃ daidꞌu bedꞌea nʉmʉta kꞌãrẽ jaradꞌa ẽã. ¿Nokꞌorãbara wãrĩnu krĩcha duanu ẽka naʉ̃ zhãrã Ẽdrʉbiita?

Mateo 4:23

Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.

Lucas 21:37

Jesús ewaridꞌera miã ũrãgꞌa bꞌasia Daizeze dedꞌa ewara maẽ. Diamasera wãpe chubꞌe bꞌasia kꞌatuma Olivo abada maẽ.

Juan 7:4

Iabꞌaʉba izhita ũdukꞌawabiga krĩña bꞌʉbara kꞌãrẽ chupea o ẽã. Mawũẽ bʉara kꞌãwũã kꞌãrẽ onʉmaẽrã jõmaʉ̃ daidꞌu kꞌãrẽ odua.

Lucas 4:15

Miã ũrãgꞌa bꞌasia de zhi jʉrebadata nʉmeza, maʉ̃nerã izhira jõmaʉ̃ba ibia jara bꞌeasia.

Mateo 26:55

Maʉ̃nerã zhãrã kꞌobꞌea Jesúsbara mawũãsia: ¿Mʉrã nezrʉgamiã kĩrãkꞌa kuchoedꞌa bakuruedꞌa zebʉdakꞌa mʉ jidadꞌe? Mʉrã ewariza marã bawara jewedꞌa Daizeze dedꞌa ewara maẽ miã ũrãgꞌa bꞌasidꞌera mʉrã jidadꞌa ẽbasia.

Mateo 9:35

Jesús pʉrrʉasia pʉwʉrʉ zroma jõma, pʉwʉrʉ zake jõma. Miã ũrãgꞌasia de zhi jʉrebadata nʉme maẽ, bedꞌea biata jarakꞌasia Daizezeta Nokꞌodꞌebemata, maʉ̃nerã jõma bꞌebisia ne bariduba kꞌaya bꞌeta, ne bariduba pua bꞌeta pʉwʉrʉza.

Juan 8:26

Mʉãrã marãnebema ne bio jara kꞌawua oya, mʉ zokꞌadꞌabara wãrĩnuta jara bꞌʉa, mawũẽ mʉãrã izha jarabʉrʉta ũrĩbʉrʉta jara bꞌʉa ẽjũãne bꞌea.

Juan 8:2

Nrũẽma diapedꞌa wakusa Daizeze dedꞌa ewara maẽ zebʉrʉdꞌera zhãrã jõma zesidꞌa izhima. Mawũẽ jewedꞌape maʉ̃rãta ũrãgꞌasia.

Juan 7:28

Mobebʉrʉ Jesúsbara Daizeze dedꞌa ewara maẽ miã ũrãgꞌa nʉmʉba nemi jĩgua mawũãsia: Marãbara mʉrã ũdukꞌawua bꞌeta kꞌawua bꞌea sãmabemata. Mawũãmina mʉrã mʉzhikusauba ze ẽbasia, awuarabʉrʉ mʉrã zokꞌasia Daizeze wãrĩnu bꞌʉba, izhidꞌebema marãbara kꞌawua duanu ẽã.

Juan 7:14

Fiestara ẽsadra babʉrʉdꞌera, Jesús Daizeze deidꞌu wãrĩzepe ewara maẽ miã ũrãgꞌasia.

Mateo 26:65

Mawũãĩ sacerdote wagꞌaubara kĩrũbiba izhikusa izhi wuata kꞌõẽtape mawũãsia: Daizezema mitia bedꞌeabʉrʉa. ¿Mawũẽ izhi ʉ̃rʉ̃ kꞌãrẽta ãmaña jaradꞌamarẽã nesidꞌa bꞌeaipe? Marãbara ũrĩbʉda Daizezema mitia bedꞌeabʉrʉta.

Hechos 26:26

Rey Agripa mʉrã bʉ kĩrãbita adu-a bedꞌea kꞌobꞌʉa. Maʉ̃ mʉã jarabʉrʉdꞌebema bʉara kꞌawua bꞌʉa, mʉãrã krĩcha ẽã maʉ̃ẽnabema bʉara kꞌawua ẽãta, maʉ̃ berabꞌarisi ẽbaera dau peratʉdꞌe.

Mateo 24:26

Mawũẽ drua drudrua tabꞌʉ maẽ zhãrã ẽdrʉbita bꞌʉa abʉdadꞌera akʉdꞌe wãrãũdua, o dedꞌa bꞌʉa abʉdadꞌera ĩjãrãũdua.

Marcos 8:32

Maʉ̃ta jarabʉrʉra jipa jarasia. Mawũẽ Pedroba jãpe edepe kẽãsia.

Juan 6:59

Jesúsbara Capernaúm pʉwʉrʉdꞌe maʉ̃ta jarasia miã ũrãgꞌa nʉmʉba de zhi jʉrebada maẽ.

Juan 18:21

¿Kꞌãrẽã mʉãã widꞌibʉrʉ? Mʉ bedꞌeata ũrĩnapeadꞌaa widꞌidua mʉã kꞌãrẽta jarakꞌa bꞌadꞌata. Ãzha kꞌawua bꞌea mʉã kꞌãrẽta jaradꞌata.