Juan 18:11 - Porciones del Nuevo Testamento

¹¹ Jesúsbara Pedroa mawũãsia: Bʉzhi kuchora edꞌa pẽũdua. Mʉ Zezeba mʉrã zuburiabiya nʉmʉba, ¿mʉrã zuburiaidꞌe bꞌʉ ẽka?

Juan 18:11 Referans Kwoze

Mateo 26:39

Mawũãpe arajĩga wãpe egoroma bꞌarru kꞌobꞌepe zhiwidꞌi mawũãsia: Mʉ Zeze, bʉma bigabʉrʉ mʉrã zuburia beubirãrũã, mawũãmina mʉã krĩñata aribꞌaerãrũã, awuarabʉrʉ bʉzha krĩñata aribꞌaedua.

Mateo 20:22

Mawũãĩ Jesúsbara panaʉ̃ mawũãsia: Marãbara kꞌawuadꞌa ẽã kꞌãrẽ widꞌi panʉrã. ¿Marã zuburiaita panʉka mʉ zuburiai kĩrãkꞌara? Mawũãĩ ãzhara mawũãsidꞌa: Daibara bꞌedꞌaya.

Juan 20:17

Maʉ̃ne Jesúsbara mawũãsia: Mʉta jiru nʉmerãrũã, mʉrã wadꞌi wãrĩze ẽã mʉ Zezema, mawũẽ mʉ mebẽrãma wãpe jaradua: Mʉrã wãrĩzeita mʉ Zezema, marã Zezema, mʉ Zhibarima, marã Zhibarima.

Juan 15:10

Mʉã jara bꞌʉta aribꞌae bꞌebʉrʉ mʉã kʉãgꞌata bꞌeaya, aramaʉ̃ kĩrãkꞌa mʉãrã mʉ Zezeba jara bꞌʉta jõma aribꞌae bꞌʉa, mawũẽ mʉrã izha kʉãgꞌa.

Lucas 22:42

mawũãsia: Zeze, bʉma bigabʉrʉ mʉrã zuburiabirãrũã, mawũãmina aribꞌaerãrũã mʉã krĩñata, awuarabʉrʉ aribꞌaedua bʉzha krĩñata.

Mateo 26:42

Wakusa wãpe zhiwidꞌima ũmeta mawũãsia: Mʉ Zeze, mʉ zuburiabi ẽbaita bʉma biga ẽbʉrʉ aribꞌaedua bʉzha krĩñata.

Juan 18:36

Mawũãĩ Jesúsbara panaʉ̃ mawũãsia: Mʉrã naʉ̃ ẽjũãne Reyta bꞌaidꞌebema ẽã. Mʉta naʉ̃ ẽjũãne Reyta bꞌaidꞌebemabʉrʉ mʉta aribꞌae bꞌera zhõkꞌausidꞌa mʉta chãbꞌaridꞌa ẽbamarẽã judíorãã. Mawũãmina mʉrã nama Reyta bꞌaidꞌebema ẽã.

Juan 17:24

Zeze, bʉa mʉãã diadꞌata bꞌera mʉãrã krĩña bꞌʉa mʉta bꞌʉ maẽ ãzhisidꞌa mʉ bawara bꞌeaita, aramaʉ̃ne ãzha ũdudꞌamarẽã bʉa mʉrã zhi zromata bꞌʉdꞌata, bʉa mʉrã kʉãgꞌa ẽjũã oi nawedꞌa.

Lucas 12:30

Maʉ̃ jõmaʉ̃ kꞌarea sopua bꞌea Daizezedꞌebema ẽãta ẽjũãne bꞌera. Mawũãmina marã Zezebara kꞌawua bꞌʉa marãbara maʉ̃ jõma nesidꞌa bꞌeta.