Juan 17:9 - Porciones del Nuevo Testamento

⁹ Mʉrã ãzhibari bʉaa zuburia bedꞌeaya. Mʉnebema ẽãta ẽjũãne bꞌebari mawũã zuburia bedꞌea ẽã, awuarabʉrʉ bʉa mʉãã diadꞌata bꞌebari zuburia bedꞌeaya bʉreta bꞌeba.

Juan 17:9 Referans Kwoze

Juan 17:2

Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.

Juan 17:6

Ẽjũãne bꞌeta bʉa mʉãã diadꞌata bꞌea mʉãrã bʉdꞌebema kꞌawuabiga nʉmʉã, ãzhira bʉre basia, maʉ̃ta bʉa mʉãã dedꞌekasia, ãzhara aribꞌae bꞌea bʉ bedꞌeara.

Juan 17:20

Mʉrã bari naʉ̃rã kꞌarea bʉaa zuburia bedꞌea kꞌobꞌʉ ẽã, awuarabʉrʉ zuburia bedꞌeabʉrʉa mʉnebemata ĩjãnaĩ kꞌareabidꞌa ãzhi bedꞌeadꞌeba.

Lucas 22:32

Mawũãmina mʉrã bʉ bari Daizezea zuburia bedꞌeasia, mʉnebema ĩjã bꞌʉta kenabꞌari ẽbamarẽã. Mawũẽ bʉta wakusa mʉ pẽwãbʉrʉdꞌera jipa nʉmeãĩta kꞌarebarua bʉzhi mebẽrãta.

Juan 14:16

Mawũãrã mʉta zuburia bedꞌeaya mʉ Zezea, mobedꞌeba marãã diaya awʉrʉ marã Kꞌarebata, aramaʉ̃ne marã bawara bꞌamarẽã ewariza.

Lucas 8:34

Mawũẽ chĩna akʉ bꞌebara mawũã berabꞌaribʉrʉta ũdudꞌai wãẽbasidꞌa, mobe jarakꞌasidꞌa pʉwʉrʉdꞌebidꞌa meãbidꞌa.

Lucas 23:34

Maʉ̃nerã Jesúsbara mawũãsia: Zeze, bedꞌea ne ẽã bꞌʉkuadua ãzhara kꞌawuadꞌa ẽbaera kꞌãrẽ obꞌeta. Maʉ̃nerã soldaorãbara izhi wuara ãzhirãĩnu drasidꞌa sãwũã dradꞌaidꞌebemata odꞌape.

Juan 6:37

Mʉ Zezeba mʉãã diabʉrʉra jõma mʉma zedꞌaya, mʉma zebʉrʉra mʉãrã ãĩ jʉreta ẽã.

Juan 6:39

Mʉ Zeze mʉ zokꞌadꞌabara krĩña bꞌʉa jõma izha mʉãã diabʉrʉra mʉrẽ miõta adua ẽbaita, awuarabʉrʉ krĩña bꞌʉa maʉ̃rãta beudꞌapeadꞌara mʉã piradrʉbigaita ewari nʉmʉta jõbʉrʉdꞌera.