Juan 16:33 - Porciones del Nuevo Testamento

³³ Mʉã maʉ̃ta marãã jarabʉrʉa mʉneba adu-a bꞌeamarẽã. Naʉ̃ ẽjũãnerã marã zuburiaya, mawũãmina wãnigua bꞌeaudua, mʉã edre bꞌaebisia ãtõmiã zareata ẽjũãne nʉmʉrã.

Juan 16:33 Referans Kwoze

Juan 14:27

Adu-a bꞌaidꞌebemata mʉã marãĩta ãmaẽña, adu-a bꞌaidꞌebemata mʉrẽta mʉã marãã diaya. Maʉ̃ mʉãrã dedꞌeka ẽã ẽjũãne bꞌeba aritiaedꞌa diabada kĩrãkꞌa. Mawũẽ sopuarãũdua, miã perarãũdua.

Juan 14:1

Sopuarãũdua. Ĩjãũdua Daizezedꞌebemata, ĩjãũdua mʉnebemasidꞌa.

Hechos 14:22

Maʉ̃zara wãnigua bꞌeamarẽã jarasidꞌa Jesúsdꞌebema ĩjã bꞌea, aramaʉ̃ne soidꞌu bꞌeamarẽã ũrãgꞌa mawũãsidꞌa: Ne biodꞌe zuburiai bara dazhi edꞌa wãĩrã Daizezeta Nokꞌota bꞌʉ maẽ.

Hechos 27:25

Maʉ̃ba wãniguaudua, mʉãrã Daizezera krĩcha bꞌʉa, mawũã baya izha mʉãã jaradꞌa kĩrãkꞌa.

Hechos 9:31

Aramaʉ̃ne mebẽrã adu-a duanesia Judea druadꞌe bꞌera, Galileadꞌe, Samariadꞌe bꞌera. Maʉ̃nerã soidꞌu duane wãta Daizeze wawia duane wãsia. Aramaʉ̃ne eaba wãsia Jawurebia kꞌarebadꞌeba.

Juan 12:31

Arababʉrʉa Daizezebara kꞌawua okuaita naʉ̃ ẽjũãne bꞌera, arababʉrʉa ãtõmiã naʉ̃ ẽjũãne nokꞌota bꞌʉra Daizezebara ãĩ jʉretaita.

Lucas 2:14

¡Daizezera ibia jaraudua ʉ̃trera, druadꞌera adu-a bꞌeaya izha bia erunʉmʉta bꞌera!

Hechos 27:22

Mawũãmina wãniguaudua, dazhirã miõta beu ẽã, awuarabʉrʉ teguezoaya barcotrʉ.

Lucas 19:38

Maʉ̃nerã mawũãsidꞌa: ¡Ibia jaradꞌaya Reyta Daizezedꞌeba zebʉrʉra, kꞌõbebaira Daizeze bawara adu-a bꞌeaya ʉ̃trera, izhira zhi zroma ʉ̃trera! (Salmos 118:25-26)

Hechos 23:11

Maʉ̃ diamase Nokꞌo Jesús zhi ũdubipe mawũãsia: Pablo, wãniguarua, Jerusalénne bʉa mʉnebemata jarabʉrʉ kĩrãkꞌa kꞌãwũã jaraibara Romanebidꞌa.

Juan 16:11

Kꞌawuabigaya zhãrã Daizezebara kꞌawua oita, izhara ãtõmiã naʉ̃ ẽjũãne nokꞌora ya kꞌawua osi baera.

Mateo 9:2

Maʉ̃ne kꞌakua pira ẽã kꞌaya bꞌʉta izhima wesidꞌa jirabꞌadꞌe. Ãzhi soidꞌu kꞌobꞌeta Jesúsba ũdui kꞌakua pira ẽã kꞌaya bꞌʉa mawũãsia: Wãniguarua, bʉra kꞌazhiruata biodꞌebara mʉãrã bedꞌea ne ẽã bꞌidꞌapʉa.