Juan 16:20 - Porciones del Nuevo Testamento

²⁰ Mʉã wãrĩnu marãã jaraya, marã jẽgadꞌaya, sopuadꞌaya, waya mʉnebema ẽãta ẽjũãne bꞌera sobiadꞌaya. Mawũãmina marã sopuadꞌaimina marã sopuara sobia baya.

Juan 16:20 Referans Kwoze

Mateo 5:4

Sobiaudua jẽga bꞌera, mawũã bꞌera Daizezebara kĩrãtũmabigaya.

Marcos 16:10

Maʉ̃ wũẽrã wãpe maʉ̃ta jarasia Jesús bawara bꞌeadꞌaa, ãzhira sopua bꞌeba jẽga duanasia.

Lucas 24:21

Daibara krĩcha bꞌeasia zhi jura juwuadꞌeba Israel izha ẽdrʉbigaita. Maʉ̃ta baribʉrʉ maʉ̃ jõmaʉ̃nebema idꞌi ewari ũbea babʉrʉa mawũã berabꞌaridꞌara.

Romanos 5:11

Bari maʉ̃ba ẽã, awuarabʉrʉ Daizeze bawara sobia bꞌea dazhirã Nokꞌo Jesucristodꞌeba. Izhikꞌareuba idꞌira Daizeze bawara zhibiata bꞌea.

Lucas 24:17

Maʉ̃ne mawũãsia: ¿Mazhirãĩnurã kꞌãrẽta jara taidꞌa, kꞌãrẽã sopua panʉ?

Lucas 23:27

Maʉ̃nerã kꞌabanata pʉwʉrʉdꞌebemata kꞌaidꞌu kuataidꞌera wũẽrãrã ʉ̃kʉrʉ sopua jẽgasidꞌa izhi kꞌarea.

Hechos 5:41

Mawũẽ nokꞌorã wagꞌaurã kĩrãbitaubara ãzhira sobia wãsidꞌa Daizezeba idu zuburiabigabʉrʉba Jesús kꞌarea.

Juan 16:33

Mʉã maʉ̃ta marãã jarabʉrʉa mʉneba adu-a bꞌeamarẽã. Naʉ̃ ẽjũãnerã marã zuburiaya, mawũãmina wãnigua bꞌeaudua, mʉã edre bꞌaebisia ãtõmiã zareata ẽjũãne nʉmʉrã.

Juan 16:6

Awuarabʉrʉ mʉã maʉ̃ta marãã jarabʉrʉ kꞌarea marã kꞌãbãẽã sopua kꞌobꞌea.

Lucas 22:62

Mawũẽ Pedrora ãĩ wãpe jẽgasia kꞌãbãẽã sopua.

Lucas 22:45

Zhiwidꞌi nʉmanata piradrʉpe izha jʉrʉkuadꞌama zebʉrʉdꞌera ũdukuasia kꞌãĩgue nʉmʉta sopuaba.

Lucas 6:21

Sobiaudua Daizezedꞌebema kꞌarea jarra bꞌera, mawũãrã maʉ̃ne nʉmabigaya. Sobiaudua jẽga bꞌera, mawũã bꞌera ipidꞌabigaya.

Marcos 14:72

Maʉ̃ daucha gallo berusia beruma ũmeta. Mobebʉrʉ Pedrobara bude basia Jesúsba mawũãnata: Gallota beruma ũme berui nawedꞌa bʉa mʉrã ũdukꞌata jarama ũbea jaraya. Maʉ̃ta krĩchape Pedro jẽgasia.

Juan 20:20

Mawũãpe ũdubigasia izhi juwuata, izhi orrota. Izha jʉrʉkuadꞌara sobiasidꞌa Nokꞌota ũdubʉdaba.

Mateo 21:38

Mawũãmina uvadꞌe trajabadabara zhi warrata ũdudꞌai ãzhirãĩnu mawũãsidꞌa: Ne zhi zezedꞌera naʉ̃ba jidaya, mawũẽ beadꞌaya, aramaʉ̃ne dazhirãba jidadꞌaya izha jidaita bꞌʉra.