Juan 16:10 - Porciones del Nuevo Testamento

¹⁰ Kꞌawuabigaya mʉrã bedꞌea ne ẽã bꞌʉta mʉrã wãĩ baera mʉ Zezema, aramaʉ̃ne marãbara mʉrã wueta ũdudꞌa ẽbaya.

Juan 16:10 Referans Kwoze

Hechos 3:14

Aramaʉ̃ne marãbara ẽnabidꞌa ẽbasia Bedꞌea Ne Ẽãta Biata Bꞌʉra, awuarabʉrʉ ẽnamarẽã widꞌisidꞌa miã beamiãta.

Romanos 1:17

Maʉ̃ bedꞌea biadꞌeba Daizezebara kꞌawuabi bꞌʉa izhara bedꞌea ne ẽã bꞌʉbarita ĩjãbʉrʉdꞌeba. Maʉ̃ẽnabemata zhi bꞌʉmata mawũã bꞌʉa: Daizezema bedꞌea ne ẽã bꞌʉra ĩjã bꞌʉdꞌeba izhi ũme bꞌai jõ ẽã bꞌaya.

Hechos 17:31

Mawũã jara bꞌʉa izha ewarita nʉmʉkꞌãrĩneba ẽjũãne bꞌera kꞌawua oita sãwũã oi bꞌʉdꞌe, mawũã oya Jesús izha jʉrʉdꞌadꞌeba, mawũã oita jõmaʉ̃ã kꞌawuabibʉrʉta beudꞌata piradrʉbisia.

Hechos 7:52

¿Daizezeba bedꞌeata jarabibarita bꞌeadꞌara zuburia odꞌaita pẽwã bꞌeasi ẽka marã zhibarirãbara? Ãzhara beasidꞌa Jesucristo zeita nawedꞌa jarabʉdara, marãbara izhira chãbꞌaridꞌape beabisidꞌa.

Hechos 2:32

Maʉ̃ Jesúra beudꞌata piradrʉbisia Daizezeba, maʉ̃ dai jõmaʉ̃ba ũdusidꞌa.

Juan 5:32

Mawũãmina mʉ Zezeba mʉnebemata jara bꞌʉa, mʉã kꞌawua bꞌʉa mawũã mʉnebemata jara bꞌʉra wãrĩnuã.

Juan 3:14

Drua drudrua tabꞌʉ maẽ Moiséba dãma ʉ̃tʉ jirabꞌʉdꞌa kĩrãkꞌa, mʉ Beubari Bape bꞌʉra ʉ̃tʉ jirabꞌʉdꞌaya.

Juan 7:33

Mawũẽ Jesúsbara mawũãsia: Mʉrã wadꞌi ewari kꞌakutua marã bawara bꞌape wãña mʉ zokꞌadꞌama.

Juan 16:5

Mawũãmina kꞌõbebʉrʉ mʉrã wãña mʉ zokꞌadꞌama, maʉ̃ta marãnebemabara miõba widꞌi mawũã ẽã: ¿Bʉra sãmaã wãĩpe?

Juan 16:28

Mʉrã mʉ Zeze maẽba zesia naʉ̃ ẽjũãẽna, mʉãrã naʉ̃ ẽjũãrã ãmaẽña, mʉrã wakusa wãña mʉ Zezema.