Juan 15:27 - Porciones del Nuevo Testamento

²⁷ Marãbidꞌa mʉnebemata jaradꞌaya, mʉ bawara bꞌeadꞌaba jẽde wedꞌauba.

Juan 15:27 Referans Kwoze

Juan 21:24

Maʉ̃ Jesúsba jʉrʉdꞌaba naʉ̃ bedꞌeata jarakꞌa bꞌʉbʉrʉa. Kꞌawua panʉã izha jara bꞌʉra wãrĩnuta.

Lucas 24:48

Marãba jaradꞌaya mʉ kꞌãwũã berabꞌaridꞌata.

Hechos 23:11

Maʉ̃ diamase Nokꞌo Jesús zhi ũdubipe mawũãsia: Pablo, wãniguarua, Jerusalénne bʉa mʉnebemata jarabʉrʉ kĩrãkꞌa kꞌãwũã jaraibara Romanebidꞌa.

Hechos 4:20

Daibara jara ẽãrã idaribi bꞌedꞌa ẽã daiba ũdudꞌapeadꞌara, ũrĩnapeadꞌara.

Hechos 1:8

Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.

Hechos 18:5

Sila, Timoteo Macedonianeba zebʉdadꞌera Pablora jipa bedꞌeata jara bꞌesia, judíorãã jara bꞌasia Jesúra zhãrã Ẽdrʉbita.

Hechos 13:31

Izhira ewari bio zhi ũdubigasia izhi bawara wãrĩzekuadꞌaa Galileadꞌeba Jerusalénʉẽna, idꞌira maʉ̃rãba izhidꞌebemata jara bꞌea zhãrã bꞌea.

Hechos 4:33

Aramaʉ̃ne Jesúsba zokꞌakuadꞌabara zarea bara jara bꞌeasia Nokꞌo Jesús beudꞌata piradrʉdꞌata. Daizezebara biodꞌe bia nʉmʉkꞌãrĩsia ãzhi jõma.

Juan 19:35

Maʉ̃ta zhi ũdudꞌaba jara bꞌʉa, maʉ̃ jara bꞌʉra wãrĩnuã. Izhara kꞌawua bꞌʉa wãrãta jara bꞌʉta marãbidꞌa ĩjãnamarẽã.

Hechos 3:15

Aramaʉ̃ne beasidꞌa Daizeze ũme bꞌai jõ ẽãta dia bꞌʉta. Maʉ̃ Daizezebara beudꞌata piradrʉbisia, maʉ̃ daiba ũdusidꞌa.

Marcos 1:1

Jesucristodꞌebemata bedꞌea biata mʉãrã jẽdeba bꞌʉya, izhira Daizeze Warra.