Juan 15:24 - Porciones del Nuevo Testamento

²⁴ Mʉã ãzhidꞌe edꞌa awʉrʉba okꞌata osi ẽbʉrʉ kꞌazhirua ne ẽã bꞌeakꞌausia, mawũãmina akʉ bꞌeta juradea mʉta, mʉ Zezeta.

Juan 15:24 Referans Kwoze

Juan 14:9

Mawũãĩ Jesúsbara mawũãsia: ¿Mʉrã marã bawara bꞌʉta ewari bio bata, bʉa mʉrã ũdukꞌawa ẽka Felipe? Mʉta ũdu bꞌʉbara mʉ Zezeta ũdu bꞌʉa, ¿maʉ̃ta bʉara sãwũã mawũãbʉrʉ: Daia ũdubigarua bʉ Zezeta?

Juan 5:36

Mawũãmina mʉã erubꞌʉa mʉnebema audre bia jara bꞌʉta Juanba jaradꞌa kꞌãñabara, kꞌãrẽ aribꞌaeita mʉ Zezeba mʉãã diadꞌata mʉã obꞌʉba mʉnebemata jara bꞌʉa mʉrã mʉ Zezeba zokꞌadꞌata.

Juan 10:37

Mʉ Zezeba obꞌʉta mʉã o ẽbʉrʉ, mʉã jara nʉmʉrã ĩjãrãũdua.

Juan 10:32

Mawũẽ Jesúsbara mawũãsia: Mʉãrã mʉ Zezedꞌeba biata bio onʉmʉta marãã ũdubiga nʉmʉã. ¿Mawũẽ maʉ̃rãnebema sãʉ̃ kꞌarea mʉrã mongꞌaraba tabꞌaridꞌaipe?

Juan 9:32

Ũrĩnakꞌa iabꞌaʉba ne ũdubisia abʉdara iabꞌa daʉbꞌerrea todꞌata.

Juan 7:31

Kꞌabanabara bioba izhidꞌebemata ĩjãnape mawũã duanasia: Zhãrã Ẽdrʉbiita zebʉrʉdꞌera, ¿ũdudꞌakꞌara audre oibʉka naʉ̃ba obꞌʉ kꞌãñabara?

Juan 3:2

Maʉ̃ta diamase Jesúsma zepe mawũãsia: Miã Ũrãgꞌabari, daibara kꞌawua panʉã bʉra Daizezeba zokꞌadꞌata miã ũrãgꞌamarẽã, ũdudꞌakꞌata bʉa kꞌãwũã obꞌʉra miõba obꞌe ẽã Daizezeta izhi ũme bꞌʉ ẽbʉrʉ.

Mateo 9:33

Jesúsba jaita ãĩ jʉretabʉrʉdꞌera bedꞌea bꞌe ẽã bꞌadꞌara bedꞌeasia. Mawũẽ zhãrãbara bia akʉdrua mawũãsidꞌa: Kꞌãwũãrã ũdudꞌakꞌa Israeldꞌera.

Romanos 1:30

Zhãrã jarabada, Daizezera juradea, zhãrãma mitia bedꞌeabada, zhi zromane bꞌea, bigaudꞌe bꞌea, krĩcha jʉrʉbada bia ẽãta oita, ũrĩna ẽã ãzhi zhibarirã bedꞌeara.

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.

Hechos 2:22

Israelitarã, bedꞌeata mʉã za jaraita ũrĩũdua: Jesús Nazaredꞌebema Daizezebara izhidꞌeba nʉmʉta kꞌawuabibʉrʉta marãne edꞌa ũdudꞌakꞌata bio osia izhidꞌeba, maʉ̃ marãbara kꞌawua bꞌea.

Juan 12:45

Mʉta ũdu bꞌʉbara ũdu bꞌʉa mʉ zokꞌadꞌata.

Juan 6:36

Mawũãmina mʉã marãã jaradꞌa kĩrãkꞌa, marãbara mʉrã ũdu bꞌemina mʉnebema ĩjãna ẽã.

Lucas 24:19

Mawũãnaĩ izhara mawũãsia: ¿Kꞌãrẽta sãwũãsi? Mawũãĩ ãzhara mawũãsidꞌa: Jesús Nazaredꞌebemata Daizezeba bedꞌeata jarabibarita bꞌasia. Kꞌãrẽ oita bedꞌeata jaraita zhi zroma basia Daizeze kĩrãbita, zhãrã jõmaʉ̃ kĩrãbita.

Marcos 2:12

Mawũãĩ izhira piradrʉpe izhi jirabꞌa jiraedape jõmaʉ̃ daidꞌu wãsia, jõmaʉ̃ba bia akʉdrua Daizeze ibia jara mawũãsidꞌa: Kꞌãwũãrã ũdudꞌakꞌa.

Mateo 21:32

Maʉ̃ẽnabema Juan marãma zesia sãwũã bꞌeaidꞌebemata jaradꞌe, maʉ̃ marãbara ĩjãna ẽbasia. Mawũãmina rey Romanebemaĩta plata widꞌibadabara, wũẽrãrã jõmaʉ̃neta bꞌebara ĩjãsidꞌa. Mawũãmina marãbara maʉ̃ ũdusidꞌaidꞌu kꞌazhiruara ãmape Daizezeta pẽwãna ẽbasia izhidꞌebemata ĩjãnaĩta.

Mateo 11:5

Daʉbꞌerrea bꞌera ne ũdu tupudꞌea audua, wã bꞌe ẽã bꞌera wã tupudꞌea, aidꞌaba kꞌaya bꞌera nene ẽã tupudꞌea, ne ũrĩ ẽã bꞌera ne ũrĩ tupudꞌea, beudꞌapeadꞌara piradrʉ tupudꞌea, zuburia bꞌea jara bara bꞌʉa ẽdrʉdꞌaidꞌebemata bedꞌea biata.

Juan 12:10

Mawũẽ sacerdoterã nokꞌorãbara krĩchasidꞌa beadꞌaita Lázarosidꞌa.

Juan 9:41

Mawũãnaĩ Jesúsbara panaʉ̃ mawũãsia: Daizezedꞌebemata ũdu ẽã bꞌebʉrʉ kꞌazhirua ne ẽã bꞌeakꞌausia. Mawũãmina ũdu bꞌea abꞌeba marãne kꞌazhiruara ari nʉmʉã.

Juan 15:21

Marã mʉ kꞌarea mawũã zuburia odꞌaya, ũdukꞌawadꞌa ẽãba mʉ zokꞌadꞌata.

Juan 15:22

Mʉta zepe zhãrãta ũrãgꞌa ẽbasibʉrʉ kꞌazhirua ne ẽã bꞌeakꞌausia, mawũãmina ũrĩkꞌawua nʉmeba kꞌazhirua ne ẽã bꞌea abꞌedꞌa ẽã.

Juan 15:23

Mʉta jura bꞌʉbara mʉ Zezesidꞌa jura bꞌʉa.

Juan 16:9

Kꞌawuabigaya kꞌazhirua bara bꞌeta ĩjãna ẽãba mʉnebemata.