Juan 15:20 - Porciones del Nuevo Testamento

²⁰ Bedꞌeata bude baudua mʉã marãã mawũãnata: Nezokꞌara audre zhi zroma ẽã izhi nokꞌo kꞌãñabara. Mʉ zuburia oita pẽwã bꞌedꞌebara, marãsidꞌa zuburia oita pẽwãnaña. Mʉ bedꞌeata aribꞌae bꞌedꞌebara, marã bedꞌeasidꞌa aribꞌaedꞌaya.

Juan 15:20 Referans Kwoze

Juan 13:16

Mʉã wãrĩnu marãã jaraya: Nezokꞌara audre zhi zroma ẽã izhi nokꞌo kꞌãñabara, miã zokꞌabuebʉdara audre zhi zroma ẽã izhi zokꞌabuebʉrʉ kꞌãñabara.

Mateo 10:24

Ne kꞌawa bꞌʉra audre bꞌʉ ẽã izhi ne jaradia nʉmʉ kꞌãñabara, miã nezokꞌara audre bꞌʉ ẽã izhi nokꞌo kꞌãñabara.

Juan 8:51

Mʉã wãrĩnu marãã jaraya: Mʉ bedꞌeata aribꞌae bꞌʉra beukꞌa baya.

Lucas 6:40

Ne kꞌawa bꞌʉra audre bꞌʉ ẽã izhi ne jaradia nʉmʉ kꞌãñabara. Mawũãmina izha kꞌawa nʉmʉ jõma kꞌawatrʉ izhi ne jaradia nʉmʉ kĩrãkꞌa bꞌeya.

Juan 10:31

Mawũãbʉrʉ kꞌarea judíorãbara wakusa mongꞌarata jirakua edasidꞌa tabꞌari beadꞌaita.

Juan 11:57

Sacerdoterã nokꞌorãbara, fariseorãbara jarasidꞌa iabꞌaʉba sãma bꞌʉta kꞌawuara jaramarẽã jidadꞌaita.

Juan 8:59

Mawũãĩ mongꞌarata jirakua edasidꞌa tabꞌari beadꞌaita, mawũãmina Jesús merũpe ãĩ wãsia Daizeze dedꞌa ewara maẽbara. Aramaʉ̃ne ãzhi ẽsadra berabꞌari wãsia.

Juan 7:32

Fariseorãbara ũrĩsidꞌa zhãrã Jesú ʉ̃rʉ̃ mawũã bedꞌea jirpanʉta, mawũẽ sacerdoterã nokꞌorãbara, fariseorã bawarauba Daizeze de akʉbadata zokꞌasidꞌa jidadꞌamarẽã.

Juan 5:16

Maʉ̃ kꞌarea judíorã Jesús kꞌaidꞌu jirpanesia beadꞌaita, maʉ̃ta onʉmaẽrã ẽnaʉ̃bada ewade.

Lucas 2:34

Mobebʉrʉ Simeónbara ibia jarakꞌape Jesús papa María mawũãsia: Naʉ̃ bꞌʉsidꞌa Israel bio aduaita, bio ẽdrʉita. Maʉ̃ dajadata Daizezedꞌeba nʉmʉ ẽã adꞌaya.

Juan 8:52

Mawũãĩ judíorãbara mawũãsidꞌa: Ya daibara kꞌawuabʉda bʉra jaiba erunʉmʉã. Abraham beusia, Daizezeba bedꞌeata jarabibarirãsidꞌa beukuasia, maʉ̃ne bʉara mawũãbʉrʉa: Mʉ bedꞌeata aribꞌae bꞌʉra beukꞌa baya.

Hechos 14:22

Maʉ̃zara wãnigua bꞌeamarẽã jarasidꞌa Jesúsdꞌebema ĩjã bꞌea, aramaʉ̃ne soidꞌu bꞌeamarẽã ũrãgꞌa mawũãsidꞌa: Ne biodꞌe zuburiai bara dazhi edꞌa wãĩrã Daizezeta Nokꞌota bꞌʉ maẽ.

Marcos 10:39

Mawũãĩ ãzhara mawũãsidꞌa: Daibara bꞌedꞌaya. Mawũãnaĩ Jesúsbara mawũãsia: Marã wãrĩnu mʉ zuburiai kĩrãkꞌara zuburiadꞌaya.