Juan 15:2 - Porciones del Nuevo Testamento

² Jʉ̃kꞌara mʉ kꞌarradꞌebema zhi zau ẽãrã izha tiaweya. Mawũãmina zhi zaubʉdara zhi tae seri ẽãtrʉ kꞌõkua araa oya audre zaumarẽã.

Juan 15:2 Referans Kwoze

Mateo 3:10

Daizezedꞌera zagꞌara ya zhi aribꞌaema bakuru kꞌarradꞌe tukuaita. Mawũẽ bakuru bia zaudꞌa ẽãrã tukuape pepekuaya tebʉdꞌe. (Aramaʉ̃ kĩrãkꞌa Daizezebara pua kꞌawua oya kꞌazhiruata obadara.)

Mateo 15:13

Mawũãnaĩ izhara panaʉ̃ mawũãsia: Nekꞌarra kĩrãkꞌa bꞌedꞌeba nekꞌarra mʉ Zeze ʉ̃trebemaba u ẽbadꞌara izha ẽũkuaya.

Juan 15:8

Mʉ Zezera zhi zromata nʉmabidꞌaya izha krĩñata bio obꞌeba, aramaʉ̃ne mʉã jʉrʉkuadꞌata bꞌeaya.

Mateo 13:12

Bariduba maʉ̃ta bude erubꞌʉaara edꞌa diaya, mawũẽ ãmaña erubꞌaya. Mawũãmina bude erubꞌʉ ẽãrã wĩka kꞌawua bꞌʉsidꞌa jãrĩña.

Mateo 3:12

Trigo ezoabarira izhi juwuadꞌe erubꞌʉa, trigora ezoape zhi tara zhi wuagꞌabari maẽ wuagꞌaya, mawũãmina zhi kꞌãbʉra baya tebʉ kikꞌata nʉmʉne. (Aramaʉ̃ kĩrãkꞌa izhidꞌebemata ĩjã bꞌera izhi maẽ bꞌʉkuaya, mawũãmina zhi ĩjãna ẽãrã pua kꞌawua okuaya.)

Mateo 21:19

Maʉ̃ne bakuru higuera o kꞌaita nʉmʉta ũdui maĩnu wãbʉrʉdꞌera maʉ̃nerã kꞌãrẽ ũdu ẽbasia, awuarabʉrʉ ũdusia zhi kiduatrʉ, mawũẽ mawũãsia: Bʉra wueta zau ẽbaya. Audre ẽãne higuera bagusia.

Juan 15:16

Mʉta marãba jʉrʉdꞌa ẽbasia, awuarabʉrʉ mʉã marãta jʉrʉkuasia, aramaʉ̃ne mʉã marã duanusia wãnape mʉ Zezeba krĩñata obꞌeamarẽã, jipa maʉ̃trʉ obꞌeamarẽã. Mawũãrã jõma kꞌãrẽ mʉ Zezea mʉneba widꞌibʉdara izhara marãã diaya.

Lucas 8:13

Ne ta pobʉrʉdꞌe mongꞌaradꞌe bꞌaedꞌara Daizeze bedꞌeata ũrĩbʉdadꞌera sobia ũrĩbadata maʉ̃ã. Mawũãmina bia kꞌarra jidadꞌa ẽã, mawũẽ ĩjã bꞌeta dããrã ẽãne zuburiabʉdadꞌera ĩjã ẽã kenabꞌaribada.

Romanos 8:28

Kꞌawua bꞌea izhi kʉãgꞌa bꞌeta Daizezeba kꞌãrẽ berabꞌaribi bꞌʉra jõma kꞌarebata biaitabema, maʉ̃ta izha kꞌãrẽ kꞌaudꞌa bꞌeabiita trʉ̃kuadꞌaitabema.

Juan 17:12

Naʉ̃ ẽjũãne ãzhi bawara bꞌasidꞌera mʉãrã bʉ zareadꞌeba akʉ jʉresia. Bʉa mʉãã diadꞌata bꞌera mʉãrã akʉ jʉresia, aramaʉ̃ne ãzhidꞌebema miõta adua ẽbasia, awuarabʉrʉ zhi aduaitrʉ aduaya. Aramaʉ̃ne maʉ̃ta zhi bꞌʉmata arimaẽ berabꞌariya.

Mateo 13:33

Dewara ne jarakꞌa mawũãsia: Daizezeta Nokꞌodꞌebemane bꞌeta wari bꞌʉra ne oreguea pan ẽsãbari kĩrãkꞌa bꞌʉa, wũẽrãba wĩka jiraedape harina kꞌãbãẽã nʉmʉne poerape nʉmʉsia jõma ẽsãyeedꞌa.

Mateo 7:19

Bakurura zhi ta biata zaudꞌa ẽãrã jõma tudꞌape buebada tebʉdꞌe.

Mateo 25:29

Zhi erubꞌʉaara edꞌa diaya, mawũẽ ãmaña erubꞌaya. Zhi ne ẽãrã wĩka erubꞌʉsidꞌa jãrĩña.

Marcos 4:20

Ne ta pobʉrʉdꞌe egoro biadꞌe bꞌaedꞌara Daizeze bedꞌeata ũrĩbadata maʉ̃ã, ĩjãbʉdaba zaubada, mawũẽ eaba bꞌʉa treintadꞌe, sesentadꞌe, cienne abꞌa abꞌakꞌa.

Juan 15:1

Mʉrã wãrĩnu uva kꞌarra, waya mʉ Zezera zhi akʉbaria.

Juan 15:3

Aramaʉ̃ kĩrãkꞌa marã ya zhi araa omata bꞌea, bedꞌeata mʉã marãã jara nʉmʉba.

Juan 15:6

Mʉ ũme bꞌʉ ẽãrã ãĩ bꞌʉdꞌaya uva jʉ̃kꞌara zau ẽã kĩrãkꞌa. Bagui jʉrepe tebʉdꞌe pepekuabada, mawũẽ eradrʉbaria.

Romanos 11:17

Bakuru olivo zhi ura judíorãã. Cristodꞌebemata ĩjãna ẽãba Daizezebara ʉ̃kʉrʉ bꞌʉatukuasia olivo zhi u taera, mobe marã judíorã ẽãta olivo meãbemata bꞌeta mama kꞌarakuasia, judíorã zhi kꞌarradꞌebemata erunʉmana kĩrãkꞌa aramaʉ̃ne marã Daizezebara bia erunʉmʉã olivo kꞌarra bꞌata biadꞌe kĩrãkꞌa.

Romanos 11:22

Kĩrãkuitaudua, Daizezera biata bꞌʉmina zhãrã jʉ̃ãkꞌaeabaria. Wãrãnebai jʉ̃ãkꞌaeasia judíorã zhi bꞌaekuadꞌata, mawũãmina marã bawarara biata nʉmʉã mawũã biata nʉmaĩnebemane nʉmebʉrʉ. Mawũã nʉme ẽbʉrʉ marãsidꞌa bꞌʉatukuaya.