Juan 15:16 - Porciones del Nuevo Testamento

¹⁶ Mʉta marãba jʉrʉdꞌa ẽbasia, awuarabʉrʉ mʉã marãta jʉrʉkuasia, aramaʉ̃ne mʉã marã duanusia wãnape mʉ Zezeba krĩñata obꞌeamarẽã, jipa maʉ̃trʉ obꞌeamarẽã. Mawũãrã jõma kꞌãrẽ mʉ Zezea mʉneba widꞌibʉdara izhara marãã diaya.

Juan 15:16 Referans Kwoze

Juan 15:19

Marãta mʉnebema ẽãta ẽjũãne bꞌebʉrʉ, mʉnebema ẽãta ẽjũãne bꞌebara kʉãgꞌa kꞌausidꞌa ãzhirãrã. Mawũãmina marã mʉnebema ẽãta ẽjũãne duanu ẽã, awuarabʉrʉ mʉã marã jʉrʉkuasia mʉnebema ẽãta ẽjũãne bꞌeta. Maʉ̃ba mʉnebema ẽãta ẽjũãne bꞌebara marã juradea.

Lucas 6:13

Ãsabai izhi pẽwã bꞌeta trʉ̃kuape ãzhidꞌebemata doce jʉrʉkuasia, maʉ̃rã trʉ̃gasia zokꞌakuadꞌa.

Hechos 22:14

Mawũẽ izhara mawũãsia: Dazhirã zhibarirã bꞌeadꞌa Zhibariba bʉra jʉrʉsia izha kꞌãrẽ krĩñata bʉa kꞌawuamarẽã, aramaʉ̃ne akʉmarẽã Jesús biata, izhi nemita ũrĩmarẽã izhi idꞌeba.

Juan 13:18

Mʉãrã marã jõma jara kꞌobꞌʉ ẽã, mʉãrã kꞌawua bꞌʉa kꞌairãta jʉrʉkuadꞌata. Mawũãmina arimaẽ berabꞌarii barata zhi bꞌʉmata mawũã bꞌʉa: Mʉ ũme nekꞌo bꞌʉra mʉ ʉ̃rʉ̃ baya.

Juan 6:70

Mawũãĩ Jesúsbara mawũãsia: Mʉã marã doce jʉrʉkuasia, mawũãmina marãnebema abꞌa ãtõmiãba erunʉmʉã.

Hechos 1:24

Mobebʉrʉ zhiwidꞌi mawũãsidꞌa: Nokꞌó, bʉabʉrʉ jõmaʉ̃ sota ũdukꞌawua bꞌʉa, mawũẽ daia kꞌawuabirua naʉ̃rã ũmenebema bʉa sãʉ̃ta jʉrʉbʉrʉta.

Romanos 15:4

Naara kꞌãrẽ bꞌʉdꞌapeadꞌara dazhi ũrãgꞌata bꞌʉsidꞌa, mawũã zhi bꞌʉmabara kꞌãrẽ zrogꞌa wãnigua nʉmabiga bꞌʉa Daizeze ũme bia nʉmeta kꞌawua bꞌeamarẽã.

Hechos 9:15

Mawũãĩ Nokꞌobara mawũãsia: Wãrũã, maʉ̃ mʉã jʉrʉsia mʉnebemata jarakꞌa wãmarẽã judío ẽãta bꞌea, reyrãta bꞌea, Israel bꞌea.

Mateo 21:22

Jõma marãba widꞌibʉdara zhiwidꞌi soidꞌu kꞌobꞌebʉrʉ jidadꞌaya.

Romanos 9:21

¿Zokꞌo obaribara egorora izha krĩñane oi ẽã bꞌʉka, abꞌaʉ egoroba oi ẽã bꞌʉka zokꞌo abꞌa ne biadꞌe zokꞌaita, abꞌa ne baridudꞌe zokꞌaita?

Romanos 1:5

Jesucristobara mʉrã izhi biaba jʉrʉpe zokꞌasia, aramaʉ̃ne drua jõmaʉ̃nebemaba ĩjãnamarẽã izhidꞌebemata kʉãgꞌa.

Hechos 10:41

Ũdubiga ẽbasia zhãrã jõmaʉ̃ã, awuarabʉrʉ daia ũdubigasia Daizezebara daira maʉ̃ kꞌarea jʉrʉdꞌaba nawedꞌa. Daira izhi bawara nekꞌosidꞌa baniã dosidꞌa beudꞌata piradrʉdꞌa tẽã.

Romanos 1:13

Mebẽrã, mʉã marãba kꞌawuadꞌaita krĩñata kꞌawuaudua mʉrã biodꞌe marãma wãza bꞌʉa, aramaʉ̃ne marãnebemabidꞌa Jesúsdꞌebemata ĩjãnamarẽã dewaraurã judíorã ẽãba ĩjãnapeadꞌa kĩrãkꞌa, mawũãmina idꞌi basiidꞌu wã bꞌe ẽã nʉmʉã.

Hechos 1:8

Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.

Mateo 7:7

Daizezea ne widꞌiudua, mawũãrã marãã diaya. Ne widꞌi bꞌeba jʉrʉudua, mawũãrã ũdudꞌaya. Ne widꞌi bꞌeba trʉ̃ũdua, mawũãrã jigaita puerta ewaya.

Juan 15:5

Mʉrã uva kꞌarra, waya marãta zhi jʉ̃kꞌara. Mʉ ũme bꞌʉra mʉrã izhidꞌe bꞌʉba maʉ̃bara Daizezeba krĩñata bio oya. Mʉ ũme duanu ẽbʉrʉ miã kꞌãrẽta obꞌedꞌa ẽã.