Juan 15:1 - Porciones del Nuevo Testamento

¹ Mʉrã wãrĩnu uva kꞌarra, waya mʉ Zezera zhi akʉbaria.

Juan 15:1 Referans Kwoze

Juan 6:55

Mʉ zhara wãrĩnu zhikoa, mʉ wara wãrĩnu doyidꞌebema.

Marcos 12:1

Mobebʉrʉ Jesúsbara ne bio jarakꞌa mawũãsia: Ũmakĩrãba uvata upe serrape osia uva bꞌata piabarita. Mobe uva akʉita pãrãsia deta ʉ̃tʉ drasoa, mobe uvadꞌe trajabadaa arrendape wãsia wawara.

Mateo 21:33

Ũrĩũdua, mʉã dewara ne jarakꞌaya: Ũmakĩrãta bꞌasia drua zhibarita, maʉ̃bara uvata upe serrape osia uva bꞌata piabarita. Mobe uva akʉita pãrãsia deta ʉ̃tʉ drasoa, mobe uvadꞌe trajabadaa arrendape wãsia wawara.

Juan 6:32

Mawũãnaĩ Jesúsbara mawũãsia: Mʉã wãrĩnu marãã jaraya: Maʉ̃ pan ʉ̃trebema Moiséba dedꞌeka ẽbasia, awuarabʉrʉ dedꞌekasia mʉ Zezeba. Aramaʉ̃ne mʉ Zezebara dedꞌeka bꞌʉa wãrĩnu pan ʉ̃trebemata.

Lucas 13:6

Dewara Jesúsbara ne jara mawũãsia: Ũmakĩrãba bakuru higuerata u erubꞌasia izhi uva maẽ, mawũẽ zhi ta jʉrʉdꞌe zebʉrʉdꞌera ũdu ẽbasia.

Mateo 20:1

Daizezeta Nokꞌota nʉmʉrã ũmakĩrã drua zhibarita bꞌadꞌa kĩrãkꞌa bꞌʉa, diapedꞌa zhãrã jʉrʉ wãsia trajabigaita izhi uvadꞌe.

Juan 1:9

Wãrĩnu ʉ̃nabara Daizezedꞌebema kꞌawuabiga bꞌʉba zhãrã jõma ʉ̃nabi bꞌʉra zeita bꞌasia naʉ̃ ẽjũãẽna.

Juan 1:17

Daizezebara izhi ũrãgꞌara diasia Moisédꞌeba, mawũãmina izha zhãrã kʉãgꞌa bꞌʉra izhidꞌebemata wãrĩnurã dajada nʉmesia Jesucristodꞌeba.

Mateo 15:13

Mawũãnaĩ izhara panaʉ̃ mawũãsia: Nekꞌarra kĩrãkꞌa bꞌedꞌeba nekꞌarra mʉ Zeze ʉ̃trebemaba u ẽbadꞌara izha ẽũkuaya.

Juan 15:2

Jʉ̃kꞌara mʉ kꞌarradꞌebema zhi zau ẽãrã izha tiaweya. Mawũãmina zhi zaubʉdara zhi tae seri ẽãtrʉ kꞌõkua araa oya audre zaumarẽã.

Romanos 11:17

Bakuru olivo zhi ura judíorãã. Cristodꞌebemata ĩjãna ẽãba Daizezebara ʉ̃kʉrʉ bꞌʉatukuasia olivo zhi u taera, mobe marã judíorã ẽãta olivo meãbemata bꞌeta mama kꞌarakuasia, judíorã zhi kꞌarradꞌebemata erunʉmana kĩrãkꞌa aramaʉ̃ne marã Daizezebara bia erunʉmʉã olivo kꞌarra bꞌata biadꞌe kĩrãkꞌa.