Juan 14:5 - Porciones del Nuevo Testamento

⁵ Mawũãĩ Tomásba mawũãsia: Nokꞌó, daibara kꞌawuadꞌa ẽã bʉ sãmaã wãĩrã, ¿mawũẽ daibara sãwũã kꞌawuadꞌaipe ora?

Juan 14:5 Referans Kwoze

Juan 11:16

Mobebʉrʉ Tomás Memerã abadabara dewaraurã Jesúsba jʉrʉkuadꞌaa mawũãsia: Dazhirãsidꞌa wãnaña izhi bawara beudꞌe.

Marcos 9:19

Mawũãĩ Jesúsbara panaʉ̃ mawũãsia: ¡Marã soidꞌu duanu ẽã! ¿Mʉrã sõmbeedꞌa marã bawara bꞌaipe? ¿Mʉãrã sõmbeedꞌa zrogꞌa nʉmaĩpe? Kũrã yaya weudua.

Juan 15:12

Mʉã jaraya kꞌãrẽ aribꞌaeita: Zhiya zhi kʉãgꞌaudua marãta mʉã kʉãgꞌa kĩrãkꞌa.

Lucas 24:25

Mawũãnaĩ Jesúsbara mawũãsia: ¡Marã krĩcha ne ẽã bꞌea, marãbara sodꞌebara ĩñabasia jõma ĩjãĩta duanu ẽã Daizezeba bedꞌeata jarabibarirãba jaradꞌapeadꞌara!

Mateo 10:3

Felipeta, Bartolomé, Tomás, Mateo impuesto widꞌi bꞌadꞌata, Jacobo Alfeo warrata, Lebeo ijaramiã trʉ̃ta Tadeota.

Juan 14:4

Marãbara kꞌawua bꞌea mʉ sãmaã wãĩrã, kꞌawua bꞌea ora.

Juan 16:5

Mawũãmina kꞌõbebʉrʉ mʉrã wãña mʉ zokꞌadꞌama, maʉ̃ta marãnebemabara miõba widꞌi mawũã ẽã: ¿Bʉra sãmaã wãĩpe?