Juan 14:26 - Porciones del Nuevo Testamento

²⁶ Mawũãmina marã Kꞌarebata Jawurebiata mʉ Zezeba mʉbari zokꞌaibara maʉ̃bara marãã ne jõma jaradedꞌekaya, bude babigaya jõma mʉã marãã jaradꞌata.

Juan 14:26 Referans Kwoze

Juan 15:26

Mawũãmina Kꞌarebata zebʉrʉdꞌera, mʉã maʉ̃ marãma mʉ Zezedꞌeba zokꞌabʉrʉra Jawurebia wãrãnebema, izhira zeya mʉ Zeze maẽba, izha jaraya mʉnebemata.

Juan 14:16

Mawũãrã mʉta zuburia bedꞌeaya mʉ Zezea, mobedꞌeba marãã diaya awʉrʉ marã Kꞌarebata, aramaʉ̃ne marã bawara bꞌamarẽã ewariza.

Juan 16:7

Mawũãmina wãrĩnu mʉã marãã jaraya: Marãĩtara biga mʉrã wãĩta, mʉta wã ẽbʉrʉ Kꞌarebara marãma ze ẽã, mawũãmina mʉta wãrã mʉã marãma zokꞌaya

Hechos 2:33

Daizezebara izhi juwua araare Jesús zhi zromata bꞌʉsia, zhi Zezeba Jawurebia diaya adꞌata jidape dedꞌekabʉrʉta marãba kꞌãwũã ũdubʉda, ũrĩbʉda.

Romanos 15:13

Daizezebara izhita krĩchabi bꞌʉa, mawũẽ marã kꞌãbãẽã sobia adu-a soidꞌu bꞌeabiya, aramaʉ̃ne jipa izhitrʉ krĩcha bꞌeamarẽã Jawurebia zareadꞌeba.

Hechos 2:4

Aramaʉ̃ne Jawurebiaba birabʉdaba bedꞌea awuara bedꞌeasidꞌa, Jawurebiaba jarabibʉrʉta jara bedꞌeasidꞌa.

Juan 2:22

Maʉ̃neba beudꞌata piradrʉbʉrʉdꞌera izha jʉrʉkuadꞌabara bude basidꞌa maʉ̃ta jaradꞌata, mawũẽ ĩjãsidꞌa maʉ̃ẽnabemata zhi bꞌʉmata, aramaʉ̃ne ĩjãsidꞌa bedꞌeata Jesúsba jaradꞌara.

Hechos 13:2

Ewari abꞌa mebẽrã Daizeze ibia jara nekꞌo ẽã zhiwidꞌi tabꞌʉdꞌe Jawurebiaba mawũãsia: Bernabéta, Saulota mʉĩta bꞌʉudua, kꞌãrẽ obigaita mʉã jʉrʉkuabʉrʉa.

Lucas 24:49

Wãrĩnu mʉã marãma zokꞌaya Jawurebia mʉ Zezeba diaya adꞌata. Mawũãmina Jerusalén pʉwʉrʉdꞌe duanedua zareata jidadꞌayeedꞌa ʉ̃treba zebʉrʉta.

Lucas 11:13

Marã bia ẽãta bꞌeba mazhi warrarãã ne biata dia kꞌawua bꞌebʉrʉ, ¿marã Zeze ʉ̃trebemabara audrebai Jawurebiata diai ẽka zhi widꞌibʉdaara?

Romanos 15:16

Jesucristo nezokꞌata bꞌamarẽã judíorã ẽãta bꞌerãĩta. Mawũẽ mʉãrã bedꞌea biata Daizezedꞌeta jarakꞌa bꞌʉa, sacerdoteba nendʉwʉrʉ Daizezeba krĩñata webari kĩrãkꞌa judíorã ẽãrã aramaʉ̃ne izhima we bꞌʉa izhiita bꞌeamarẽã Jawurebiadꞌeba.

Lucas 1:41

Maríaba: Kʉa abʉrʉta Elisaweba ũrĩbʉrʉdꞌera, izhi wũãwũã bꞌitaedꞌa pirasia, aramaʉ̃ne Elisawe birasia Jawurebiaba.

Mateo 3:11

Mʉãrã wãrãnebai marã baniãba buru kꞌoe bꞌʉa kꞌazhiruara ãmape Daizeze pẽwãnamarẽã. Mawũãmina iabꞌa mʉ tẽã urua, maʉ̃ba jẽrũne jʉ̃ bꞌʉra mʉãrã izhima edeidꞌe bꞌʉ ẽã, izhira audre zhi zroma mʉ kꞌãñabara. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Romanos 14:17

Daizezeta Nokꞌodꞌebemata nʉmaĩrã zhikodꞌeba kꞌãrẽ dobadadꞌeba nʉma ẽã, awuarabʉrʉ maʉ̃ne nʉmaña kĩrãẽpa bꞌʉdꞌeba, adu-a bꞌʉdꞌeba, sobia bꞌʉdꞌeba Jawurebiadꞌeba.

Romanos 5:5

Mawũã jidaira dazhirãĩtara sewa ẽãta Daizezebara kʉãgꞌata izhidꞌeta dazhirã sodꞌe diasia Jawurebiata dazhirãã diadꞌaba.

Hechos 20:28

Maʉ̃ba mazhikusa kĩrãkuita bꞌeaudua, Jesúsdꞌebema ĩjã bꞌe jõmaʉ̃ kꞌarea kĩrãkuita bꞌeaudua, maʉ̃ kꞌarea marã Jawurebiaba bꞌʉsia jʉredꞌamarẽã mebẽrã Nokꞌo Jesúsdꞌeta, maʉ̃rã izha edadꞌata izhi waba.

Hechos 11:16

Mawũẽ mʉãrã bude basia Nokꞌo Jesúsba mawũãnata: Juanbara wãrãnebai zhãrã buru kꞌoesia baniãba, mawũãmina Daizezebara marãã diaya Jawurebiata.

Hechos 1:8

Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.

Juan 20:22

Mawũãpe ãzhima jãrãpuape mawũãsia: Jidaudua Jawurebiata.

Juan 6:45

Daizezeba bedꞌeata jarabibarirãba jaradꞌapeadꞌata zhi bꞌʉmata mawũã bꞌʉa: Daizezeba jõma ũrãgꞌaya. Aramaʉ̃nerã mʉ Zeze bedꞌeata ũrĩnape izhidꞌebemata kꞌawabʉdara jõma mʉma zedꞌaya.

Marcos 13:11

Marãta sopuarãũdua kꞌãrẽta jaradꞌai kꞌareara, miã krĩcharãũdua, awuarabʉrʉ maʉ̃nerã Jawurebiaba jarabibʉrʉta jaraudua, aramaʉ̃nerã marãta bedꞌea ẽã, awuarabʉrʉ bedꞌeaya Jawurebiata.

Mateo 1:20

Izhi mawũã krĩchabʉrʉdꞌera ángel Daizezedꞌeta kꞌãĩmokꞌaradꞌe zhi ũdubipe mawũãsia: José, bʉra rey Davidꞌeba uruta bꞌʉa, María edaira perarãrũã, izhira bꞌiogꞌoasia Jawurebiadꞌeba.

Juan 12:16

Izha jʉrʉkuadꞌabara maʉ̃ naarara sãwũãrã kꞌawuadꞌa ẽbasia, mawũãmina Jesús ʉ̃taa wãna tẽãne bude basidꞌa maʉ̃ izhi ʉ̃rʉ̃bemata bꞌʉ tabꞌedꞌe odꞌapeadꞌata.

Marcos 12:36

Davidbara Jawurebiadꞌeba mawũãsia: Daizezebara mʉ Nokꞌoa mawũãsia: Mʉ juwua araare jewedꞌarua, bʉ jura bꞌeta jõma mʉã bʉ jẽrũ edre bꞌʉyeedꞌa. (Salmos 110:1)

Hechos 20:35

Ne jõmaʉ̃ne mʉã marãã jaradia bꞌʉa mawũã traja kꞌarebai barata kꞌãrẽ nesidꞌa bꞌera. Nokꞌo Jesús bedꞌeata bude baudua mawũãnata: Dazha awʉrʉa kꞌãrẽ diabʉrʉba dazhira audre sobiaya awʉrʉba diabʉrʉta jidai kꞌãñabara.

Hechos 15:8

Daizezebara jõmaʉ̃ sota ũdukꞌawua bꞌʉba mawũã ĩjãnaĩrã bigata kꞌawuabibʉrʉba Jawurebiata dedꞌekasia dazhirãã diadꞌa kĩrãkꞌa.

Hechos 7:51

Mawũãnata jarape Estebanbara mawũãsia: ¡Marã kʉwʉrʉ zarea bꞌea! ¡Marãbara Daizeze bedꞌeara sodꞌebara aribꞌaedꞌa ẽã, ũrĩna ẽã! Marãbara Jawurebiaba jara bꞌʉra jipadꞌe aribꞌaedꞌa ẽã, mawũẽ mazhi zhibarirã bꞌeadꞌa kĩrãkꞌa bꞌea marãsidꞌa.

Hechos 1:4

Ãba kꞌobꞌedꞌe mawũãsia: Wãrãũdua Jerusalénnebara, awuarabʉrʉ jʉ̃ãũdua mʉ Zezeba Jawurebia diaya adꞌata, maʉ̃ marãbara ũrĩsidꞌa mʉã jaradꞌata.

Hechos 1:2

Daizezeba ʉ̃taa ededꞌabitabai jarasia. Ʉ̃taa wãĩ nawedꞌa Jawurebiadꞌeba jarakꞌasia izha zokꞌakuaita jʉrʉkuadꞌaba kꞌãrẽ odꞌaita.

Juan 7:39

Mawũã dota jarabʉrʉra jarasia izhidꞌebemata ĩjãbʉdabara Jawurebiata jidadꞌaita, maʉ̃nerã wadꞌi ze ẽbasia Jawurebiara, wadꞌi Jesús ʉ̃taa wã ẽãba.

Lucas 3:22

Mawũẽ Jawurebiata izhi ʉ̃rʉ̃ zesia pusirã kĩrãkꞌa. Maʉ̃ne Daizezeta bãjãneba bedꞌeabʉrʉta mawũãsia: Bʉra mʉ Warra mʉãrã kʉãgꞌa, mʉrã bʉ kꞌarea sobia bꞌʉa.

Lucas 1:67

Wũãwũã zeze Zacaríara birasia Jawurebiaba, mawũẽ mawũãsia:

Lucas 1:35

Mawũãĩ ángelbara panaʉ̃ mawũãsia: Jawurebiata bʉ ʉ̃rʉ̃ zebʉrʉba bʉra Ʉ̃trebema zareaba ãnabꞌariya, aramaʉ̃ne wũãwũã toira Daizezedꞌeba Daizeze Warra adꞌaya.

Lucas 1:15

Izhira Daizeze kĩrãbita zhi zromata bꞌaya. Dokꞌa baya ituata miã ne oregueata. Jawurebiaba bira bꞌaya zhi papa bꞌitaedꞌawedꞌa.

Mateo 28:19

Mawũẽ wãũdua, mobe ĩjãnamarẽã mʉnebemata jaraudua druaza zhãrã jõmaʉ̃ã. Buru kꞌoekuaudua Daizeze trʉ̃neba, mʉ zhi Warra trʉ̃neba, Jawurebia trʉ̃neba.

Hechos 28:25

Ãzhirãĩnu krĩcha abꞌarika zedꞌa ẽãba wãbʉsidꞌe Pablobara mawũãsia: Bia kꞌãʉ̃neba Jawurebiara bedꞌeabʉrʉta, Daizezeba bedꞌeata jarabibarita Isaíadꞌeba dazhirã zhibarirã bꞌeadꞌata jara mawũãsia:

Hechos 16:6

Frigia druadꞌe, Galacia druadꞌe berabꞌari wãnerã, Jawurebiaba idaribiga ẽbasia Daizeze bedꞌeata jaradꞌaira Asia druadꞌe.

Hechos 15:28

Jawurebiama, daima bia zesia ne ãmaña jaradꞌa ẽbaita naʉ̃ta aribꞌaeita baradꞌebara:

Hechos 13:4

Ãzhira aramaʉ̃ne Jawurebiaba zokꞌakuabʉrʉba edꞌaa wãsidꞌa Seleucia pʉwʉrʉedꞌa. Mamaʉ̃ba barcodꞌe kĩrãrã wãsidꞌa dodꞌu Chipreidꞌu.

Hechos 7:55

Maʉ̃ne Estebanba Jawurebiadꞌeba ʉ̃taa akʉbʉrʉdꞌe Daizeze ʉ̃nata ũdubʉrʉdꞌera, ũdusia Jesús kꞌobꞌʉta Daizeze juwua araare.

Hechos 5:3

Maʉ̃ne Pedrobara mawũãsia: Ananía, ¿kꞌãrẽã kꞌãwũã ãtõmiã idaribibʉrʉ bʉ sora, Jawurebiaa sewa nebʉrʉmarẽã platara kꞌãwũã ãĩ edabisi ẽka drua nendodꞌadꞌebemata?

Lucas 2:25

Maʉ̃ne Jerusalénne bꞌasia Simeón abadata, biata bꞌʉta Daizeze kĩrãbita kĩrãẽpa bꞌasia, maʉ̃bara jʉ̃ã bꞌasia Israel ẽdrʉbigaidꞌebemata. Jawurebiara bꞌasia izhi ũme.

Mateo 1:18

Jesucristo todꞌara kꞌãwũã basia: Zhi papa Maríara José ũme zhi edadꞌaita bedꞌeape panʉne, zhi edadꞌa ẽwedꞌa bꞌiogꞌoasia Jawurebiadꞌeba.

Juan 1:33

Jesús kꞌaira mʉãrã kꞌawua ẽbasia, mawũãmina baniãba zhãrã buru kꞌoemarẽã Daizezeba mʉta zokꞌadꞌabara mʉãã mawũãsia: Iabꞌaʉ ʉ̃rʉ̃ Jawurebia uruta bʉa ũdubʉrʉdꞌera izhi ʉ̃rʉ̃ bꞌariya, maʉ̃bara Jawurebiata diaya Daizezedꞌeta.

Juan 14:25

Mʉã maʉ̃ jõma marãã jarabʉrʉa marã bawara bꞌʉwedꞌa.