Juan 14:19 - Porciones del Nuevo Testamento

¹⁹ Mʉnebema ẽãta ẽjũãne bꞌebara dããrã ẽãne mʉrã wueta ũdudꞌa ẽã. Mawũãmina marãbara mʉrã ũdudꞌaya. Mʉta bꞌʉba marãsidꞌa bꞌeaya.

Juan 14:19 Referans Kwoze

Juan 16:16

Dããrã ẽãne marãbara mʉrã ũdudꞌa ẽbaya, mawũãmina dããrã ẽãne mʉrã wakusa ũdudꞌaya mʉrã wãĩ baera mʉ Zezema.

Juan 7:33

Mawũẽ Jesúsbara mawũãsia: Mʉrã wadꞌi ewari kꞌakutua marã bawara bꞌape wãña mʉ zokꞌadꞌama.

Juan 11:25

Mawũãĩ Jesúsbara mawũãsia: Beudꞌara mʉã piradrʉbipe Daizeze ũme bꞌai jõ ẽã bꞌabiya. Mʉnebemata ĩjã bꞌʉra beubʉrʉsidꞌa zokꞌai bꞌaya.

Juan 16:22

Aramaʉ̃ kĩrãkꞌa marãsidꞌa kꞌãwũãwedꞌara sopua bꞌea. Mawũãmina mʉã marã wakusa ũdubʉrʉba sobiadꞌaya, mobebaira miõba jãrĩ ẽã marã sobiara.

Romanos 8:34

¿Kꞌaiba bedꞌea bara bꞌʉa aipe? Miõba bedꞌea bara bꞌʉa a ẽã Cristota dazhibari beudꞌaba. Beudꞌata piradrʉpe Daizeze juwua araare bꞌʉa, zhiwidꞌi bꞌʉa dazhirãbari.

Romanos 5:10

Izhi ũme zhi jurata bꞌedꞌe Daizezebara dazhira izhi bawara zhibiata bꞌʉsia zhi warra bebudꞌeba, mawũã zhibiata bꞌʉdꞌaba ẽdrʉdꞌaya Cristota bꞌʉdꞌeba.

Juan 14:6

Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Juan 13:33

Warrarã, mʉrã marã bawara kꞌobꞌaya aritiaedꞌa. Marãbara mʉrã jʉrʉdꞌaya, mawũãmina judíorãã mʉã jaradꞌa kĩrãkꞌa mʉã marãã jaraya: Mʉ wãĩma marã wã bꞌedꞌa ẽã.

Juan 12:35

Mawũãnaĩ Jesúsbara mawũãsia: Wadꞌi ewari kꞌakutua mʉta ʉ̃nata marãne edꞌa bꞌʉa. Mʉ ũme nimibaudua wadꞌi eruduanuwedꞌa mʉta ʉ̃nata, mawũãrã marãĩtara keubʉrʉ kĩrãkꞌa toto ẽbaya, pãrĩguadꞌe nimibara kꞌawua ẽã sãmaã wãrã.

Juan 8:21

Jesúsbara wakusa mawũãsia: Mʉta wãbʉrʉdꞌera marãbara mʉrã jʉrʉdꞌaya, mawũãmina marã mazhi kꞌazhiruadꞌe beukuaya, mawũẽ mʉ wãĩma marã wã bꞌedꞌa ẽã.

Juan 6:40

Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Hechos 10:41

Ũdubiga ẽbasia zhãrã jõmaʉ̃ã, awuarabʉrʉ daia ũdubigasia Daizezebara daira maʉ̃ kꞌarea jʉrʉdꞌaba nawedꞌa. Daira izhi bawara nekꞌosidꞌa baniã dosidꞌa beudꞌata piradrʉdꞌa tẽã.