Juan 13:31 - Porciones del Nuevo Testamento

³¹ Juda wãbʉrʉdꞌera Jesúsbara mawũãsia: Kꞌõbebʉrʉ Daizezebara zhi zromata ũdukꞌawabigaya mʉ Beubari Bape bꞌʉra, izhi Daizezesidꞌa zhi zromata ũdukꞌawabigaya mʉneba.

Juan 13:31 Referans Kwoze

Juan 14:13

Jõma kꞌãrẽ mʉ Zezea widꞌibʉdata mʉneba widꞌibʉdara mʉã aribꞌaeya, aramaʉ̃ne mʉ Zezeta zhi zromata ũdukꞌawadꞌamarẽã mʉ zhi Warradꞌeba.

Juan 7:39

Mawũã dota jarabʉrʉra jarasia izhidꞌebemata ĩjãbʉdabara Jawurebiata jidadꞌaita, maʉ̃nerã wadꞌi ze ẽbasia Jawurebiara, wadꞌi Jesús ʉ̃taa wã ẽãba.

Hechos 3:13

Daizeze Abraham Zhibariba, Isaac Zhibariba, Jacobo Zhibariba, dazhirã zhibarirã bꞌeadꞌa Zhibariba, izhi Warra Jesús zhi zromata bꞌʉsia, maʉ̃ marãbara beadꞌamarẽã chãbꞌaribʉdata Pilatoa idaribidꞌa ẽbasia izha ẽnaĩrã.

Hechos 2:36

Maʉ̃neba Israel bꞌebara jõmaʉ̃ba wãrĩnuta kꞌawuaudua, maʉ̃ Jesús marãba cruzdꞌe kꞌachidꞌapeadꞌara Daizezebara Nokꞌota bꞌʉsia zhãrã Ẽdrʉbita.

Juan 16:14

Jawurebiabara kꞌawuabigaya mʉrã zhi zromata, mʉ bedꞌeata ũrĩpe marãã kꞌawuabigaya.

Juan 12:23

Mawũẽ Jesúsbara panaʉ̃ mawũãsia: Ewarira arabasia mʉ Beubari Bape bꞌʉra beudꞌata piradrʉpe ʉ̃taa wãĩta.

Juan 11:4

Jesúsbara maʉ̃ta ũrĩpe mawũãsia: Maʉ̃ mawũã kꞌaya nʉmʉrã bari beuidꞌebema ẽã, awuarabʉrʉ Daizeze zhi zromata kꞌawuadꞌaidꞌebema, mʉ Daizeze Warrata zhi zromata kꞌawuadꞌaidꞌebema.

Juan 12:28

Mawũẽ mʉãrã mawũãña: Zeze, bʉra zhi zromata ũdukꞌawabigarua. Maʉ̃ne Daizeze ʉ̃treba bedꞌeabʉrʉta mawũãsia: Mʉrã zhi zromata ũdukꞌawabiga bꞌʉta mʉãrã wakusa ũdukꞌawabigaya.

Lucas 12:50

Mʉrã zuburia beuya. ¡Mʉrã maʉ̃ba sopua bꞌʉa maʉ̃ta arimaẽ berabꞌariyeedꞌa!

Mateo 8:20

Mawũãĩ Jesúsbara mawũãsia: Usa pã de bara bꞌʉa, ibanasidꞌa de bara bꞌʉa, mawũãmina mʉ Beubari Bape bꞌʉra ne ẽã sãma kꞌãĩ bꞌaira.