Juan 13:1 - Porciones del Nuevo Testamento

¹ Egiptodꞌeba ẽzoadꞌata krĩcha fiesta obada nawedꞌa, Jesúsbara kꞌawua bꞌasia ewari arabata naʉ̃ ẽjũãnebara zhi Zezema wãĩta, izhi pẽwã bꞌeta naʉ̃ ẽjũãne bꞌera kʉãgꞌaba kʉãgꞌasia druadꞌe bꞌʉ ewarita jõbʉrʉidꞌu.

Juan 13:1 Referans Kwoze

Juan 12:23

Mawũẽ Jesúsbara panaʉ̃ mawũãsia: Ewarira arabasia mʉ Beubari Bape bꞌʉra beudꞌata piradrʉpe ʉ̃taa wãĩta.

Juan 13:34

Aribꞌaeita zhiwidꞌita mʉã marãã jaraya: Zhiya kʉãgꞌaudua, mʉã marãta kʉãgꞌa bꞌʉ kĩrãkꞌa.

Juan 16:28

Mʉrã mʉ Zeze maẽba zesia naʉ̃ ẽjũãẽna, mʉãrã naʉ̃ ẽjũãrã ãmaẽña, mʉrã wakusa wãña mʉ Zezema.

Juan 13:3

Jesúsbara kꞌawua bꞌasia zhi Zezebara ne jõma izhaa chãbꞌaridꞌata, kꞌawua bꞌasia izhira Daizeze maẽba zedꞌadꞌeba Daizezema wãĩta.

Juan 18:4

Mawũẽ Jesúsbara izhi sãwũã berabꞌariita kꞌawua kꞌobꞌʉba ãzhi orrape mawũãsia: ¿Kꞌaita jʉrʉ panʉ?

Juan 17:16

Ãzhira naʉ̃ ẽjũãnebema ẽã mʉta naʉ̃ ẽjũãnebema ẽkĩrãkꞌa.

Juan 17:1

Jesúsbara maʉ̃ta jarape ʉ̃taa akʉ zhiwidꞌi mawũãsia: Zeze, ewarira arabasia, mawũẽ kꞌawuabigarua mʉ bʉ Warra zhi zromata, aramaʉ̃ne mʉ bʉ Warrabidꞌa kꞌawuabigaya bʉra zhi zromata.

Juan 17:5

Kꞌõbebʉrʉ Zeze, mʉrã bʉ kꞌaita zhi zromata bꞌʉdua, bʉ ũme zhi zromata bꞌadꞌa kĩrãkꞌa ẽjũã nʉmeĩ nawedꞌa.

Mateo 26:45

Mobebʉrʉ izha jʉrʉkuadꞌama zepe mawũãsia: Marã ya kꞌãĩbʉda, ya ẽnaʉ̃bʉda. Mʉ ewarira arababʉrʉa, mʉ Beubari Bape bꞌʉra chãbꞌaridꞌaya kꞌazhirua omiãrã juwuadꞌe.

Romanos 8:37

Maʉ̃ zuburiara dazhirãbara jõma edre bꞌaebibada Jesucristodꞌeba dazhirã kʉãgꞌadꞌeba.

Juan 17:26

Mʉãrã bʉdꞌebema kꞌawuabigadꞌata ãmaña kꞌawuabigaya. Aramaʉ̃ne bʉa mʉta kʉãgꞌa kĩrãkꞌa ãzhirãĩnu zhiya kʉãgꞌa bꞌeamarẽã, aramaʉ̃ne mʉrã ãzhidꞌe bꞌaya.

Juan 14:28

Marãbara ũrĩsidꞌa mʉã marãã mawũãnata: Mʉrã wãpe marãma zeya. Mʉta kʉãgꞌa bꞌebʉrʉ marã sobiadꞌaidꞌe bꞌʉa mʉã jarasi baera mʉrã mʉ Zezema wãĩta, mʉ Zezera zhi zromaneba mʉ audre.

Juan 11:55

Kꞌaita bata nʉmasia Egiptodꞌeba ẽzoadꞌata krĩcha fiesta obadata judíorãba, mawũẽ fiesta nawedꞌa bio wãrĩzesidꞌa Jerusalén pʉwʉrʉedꞌa, Daizeze kĩrãbita nene ẽã kꞌobꞌaidꞌebemata odꞌai kꞌarea.

Juan 7:30

Mawũãbʉrʉ kꞌarea Jesús jida krĩñasidꞌa, mawũãmina miõba jida ẽbasia wadꞌi araba ẽãba izhi ewarita.

Juan 7:6

Mawũãnaĩ Jesúsbara mawũãsia: Mʉrã wadꞌi wãĩne bꞌʉ ẽã, mawũãmina marã baridu ʉ̃madaudꞌe wã bꞌeya.

Juan 6:4

Maʉ̃nerã ewari araa zebodꞌo basia Egiptodꞌeba ẽzoadꞌata krĩcha fiesta obadata judíorãba.

Lucas 22:53

Mʉ marã bawara ewariza Daizeze dedꞌa ewara maẽ bꞌasidꞌera marãbara mʉrã jidadꞌa ẽbasia. Mawũãmina marãba kꞌãwũã odꞌai ewaria, Daizezeba idaribibʉrʉba ãtõmiãba zarea kꞌãwũã oi ewaria.

Lucas 9:51

Jesús ʉ̃taa wãĩta ewarita arababʉrʉdꞌera wãnigua wãsia Jerusalén pʉwʉrʉedꞌa.

Mateo 28:20

Mobe ũrãgꞌaudua jõma aribꞌaedꞌamarẽã mʉã marãã jaradꞌata. Mʉrã marã bawara ewariza bꞌaya ẽjũã jõñeẽna. Amén.

Juan 8:20

Jesúsbara maʉ̃ bedꞌeata jarasia ofrenda bꞌʉbada maẽ Daizeze dedꞌa ewara maẽ miã ũrãgꞌa nʉmʉba. Maʉ̃nerã miõba jidadꞌa ẽbasia wadꞌi araba ẽãba izhi ewarita.

Juan 2:13

Ewari araa zebodꞌo basia Egiptodꞌeba ẽzoadꞌata krĩcha judíorãba fiesta obadata, mawũẽ Jesús wãrĩzesia Jerusalén pʉwʉrʉedꞌa.

Juan 13:29

Ʉ̃kʉrʉbara krĩchasidꞌa Judabara zũbi plata atauta erubꞌʉba Jesúsbara mawũãsita: Edarua dazhirãba fiestadꞌe nesidꞌara, o mawũãsi ẽbʉrʉ jarasita kꞌãrẽ diamarẽã zuburia bꞌea.

Juan 14:31

Mawũãmina mʉãrã mʉ Zezera kʉãgꞌata ẽjũãne bꞌeba kꞌawuadꞌamarẽã, mʉãrã mʉ Zezeba jaradꞌa kĩrãkꞌa onʉmʉã. Pirabꞌariudua, wãdrʉ namaʉ̃bara.

Juan 19:28

Mawũãpe Jesúsbara izha oita bꞌadꞌara jõma aribꞌaeta kꞌawuape maʉ̃ zhi bꞌʉmata arimaẽ berabꞌarimarẽã mawũãsia: Mʉrã obisia kꞌobꞌʉa.