Juan 12:47 - Porciones del Nuevo Testamento

⁴⁷ Mʉ bedꞌeata ũrĩpe aribꞌae ẽãrã mʉãrã kꞌawua o ẽã, mʉrã zhãrã kꞌawua oita ze ẽbasi baera naʉ̃ ẽjũãẽna, awuarabʉrʉ mʉrã zesia zhãrã ẽdrʉbigaita ẽjũãne bꞌeta.

Juan 12:47 Referans Kwoze

Juan 3:17

Daizezebara zhi Warra naʉ̃ ẽjũãẽna zokꞌa ẽbasia aduabimarẽã ẽjũãne bꞌeta, awuarabʉrʉ zokꞌasia ẽjũãne bꞌera ẽdrʉdꞌamarẽã izhidꞌeba.

Juan 12:48

Mʉta seribi ẽãba mʉ bedꞌeata ĩjã ẽãbara erubꞌʉa kꞌaiba pua kꞌawua oira, bedꞌeata mʉã jara nʉmʉba maʉ̃neba Daizezeba kꞌawua oya ewari jõbʉrʉdꞌe.

Lucas 19:10

Mʉ Beubari Bape bꞌʉbara jʉrʉdꞌe zesia ẽdrʉbiita aduadꞌata.

Juan 5:45

Krĩcharãũdua kĩrãbita mʉã marã jikuaita mʉ Zezea, mawũãmina kꞌaiba marã jikuaira bꞌʉta Moiséa, maʉ̃ne marãbara izhita krĩcha bꞌea.

Mateo 20:28

Aramaʉ̃ kĩrãkꞌa mʉ Beubari Bape bꞌʉra ze ẽbasia zhãrãba aribꞌaedꞌamarẽã, awuarabʉrʉ zesia zhãrã aribꞌaeita, aramaʉ̃ne mʉ bebura diaya jõmaʉ̃bari.

Juan 8:26

Mʉãrã marãnebema ne bio jara kꞌawua oya, mʉ zokꞌadꞌabara wãrĩnuta jara bꞌʉa, mawũẽ mʉãrã izha jarabʉrʉta ũrĩbʉrʉta jara bꞌʉa ẽjũãne bꞌea.

Mateo 18:10

Seri ẽãne edarãũdua iabꞌabidꞌa za wĩka kedꞌeta, mʉã marãã jaraya, ángelerã ãzhi akʉ bꞌera ʉ̃trera baridua bꞌea mʉ Zeze ʉ̃tre bꞌʉ kĩrãbita.

Lucas 9:56

Mʉ Beubari Bape bꞌʉra ze ẽbasia zhãrã jawure aduabiita, awuarabʉrʉ zesia ẽdrʉbigaita. Aramaʉ̃ne wãsidꞌa pʉwʉrʉ zake awʉrʉedꞌa.

Mateo 18:11

Mʉ Beubari Bape bꞌʉra zesia adua bꞌeta ẽdrʉbigaita.