Juan 12:42 - Porciones del Nuevo Testamento

⁴² Isaíaba mawũã jarasimina judíorãta nokꞌorãbara bioba ĩjãsidꞌa Jesúsdꞌebema. Mawũãmina ĩjã bꞌea adꞌa ẽbasia wawia bꞌeba fariseorãta, aramaʉ̃ne edꞌa wãbi ẽã nʉmʉna ẽbamarẽã de zhi jʉrebada maẽ.

Juan 12:42 Referans Kwoze

Juan 9:22

Zhibarirãbara mawũãsidꞌa judíorãta wawia panʉba, maʉ̃ẽnabemata judíorã ya krĩcha abꞌarika zekuasia Jesús zhãrã Ẽdrʉbia abʉrʉra de zhi jʉrebada maẽ edꞌa wãbidꞌa ẽbaita.

Juan 7:13

Mawũãmina izhi ʉ̃rʉ̃rã miõta dajada bedꞌeadꞌa ẽbasia judíorã wawiaba.

Mateo 10:32

Bariduba zhãrã kĩrãbita mʉ pẽwã bꞌʉa ara, mʉãbidꞌa mʉ pẽwã bꞌʉa aya mʉ Zeze ʉ̃tre bꞌʉ kĩrãbita.

Romanos 10:10

Mawũã sodꞌeba ĩjãbʉrʉra bedꞌea ne ẽã bꞌʉya, mawũã dazhi iba jarabʉrʉra ẽdrʉbiya.

Hechos 5:41

Mawũẽ nokꞌorã wagꞌaurã kĩrãbitaubara ãzhira sobia wãsidꞌa Daizezeba idu zuburiabigabʉrʉba Jesús kꞌarea.

Juan 19:38

Maʉ̃ tẽã José Arimatea pʉwʉrʉdꞌebemata judíorã wawiaba Jesús chupea pẽwã bꞌʉta Pilatoa zuburia bedꞌeasia idu edebimarẽã Jesús kꞌakuata, mawũẽ Pilatobara idaribisia. Mawũẽ zepe edesia Jesús kꞌakuara.

Juan 16:2

De zhi jʉrebadata nʉme maẽ marã edꞌa wãbidꞌa ẽbaya, ewarita zeya bariduba marã beabʉrʉdꞌera krĩchaita Daizezeba krĩñata obʉrʉta.

Juan 12:11

Maʉ̃ẽnabema Lázarodꞌeba judíorã bioba ãzhira kenabꞌarisidꞌa, mobe ĩjãsidꞌa Jesúsdꞌebemata.

Juan 11:45

Mobebʉrʉ judíorã bio María kꞌopayadꞌaita zedꞌapeadꞌabara Jesúsba mawũã obʉrʉta ũdudꞌape ĩjãsidꞌa izhidꞌebemata.

Juan 9:34

Mawũãĩ panaʉ̃ mawũãsidꞌa: Bʉra jipadꞌe kꞌazhiruadꞌe tosia. ¿Maʉ̃ta bʉabʉrʉ ũrãgꞌaika daita? Mawũãnape jarasidꞌa de zhi jʉrebada maẽ wueta edꞌa wã ẽbamarẽã.

Juan 3:2

Maʉ̃ta diamase Jesúsma zepe mawũãsia: Miã Ũrãgꞌabari, daibara kꞌawua panʉã bʉra Daizezeba zokꞌadꞌata miã ũrãgꞌamarẽã, ũdudꞌakꞌata bʉa kꞌãwũã obꞌʉra miõba obꞌe ẽã Daizezeta izhi ũme bꞌʉ ẽbʉrʉ.

Lucas 12:8

Mʉã marãã jaraya, iabꞌaʉba zhãrã kĩrãbita mʉ pẽwã bꞌʉa ara, mʉ Beubari Bape bꞌadꞌabidꞌa mʉ pẽwã bꞌʉa aya ángelerã Daizezedꞌe kĩrãbita.

Lucas 6:22

Sobiaudua zhãrãba marã ũduama edabʉdadꞌera, ãzhi maẽba jʉretabʉdadꞌera, ikꞌazhirua jarabʉdadꞌera, marã bia ẽkĩrãkꞌa seribidꞌa ẽãnerã mʉ Beubari Bape bꞌʉ kꞌarea.

Lucas 23:13

Mobebʉrʉ Pilatobara ãba trʉ̃kuasia sacerdoterã nokꞌorãta, zhãrã nokꞌorãta, zhãrã bawara.

Juan 7:31

Kꞌabanabara bioba izhidꞌebemata ĩjãnape mawũã duanasia: Zhãrã Ẽdrʉbiita zebʉrʉdꞌera, ¿ũdudꞌakꞌara audre oibʉka naʉ̃ba obꞌʉ kꞌãñabara?