Juan 12:28 - Porciones del Nuevo Testamento

²⁸ Mawũẽ mʉãrã mawũãña: Zeze, bʉra zhi zromata ũdukꞌawabigarua. Maʉ̃ne Daizeze ʉ̃treba bedꞌeabʉrʉta mawũãsia: Mʉrã zhi zromata ũdukꞌawabiga bꞌʉta mʉãrã wakusa ũdukꞌawabigaya.

Juan 12:28 Referans Kwoze

Mateo 26:42

Wakusa wãpe zhiwidꞌima ũmeta mawũãsia: Mʉ Zeze, mʉ zuburiabi ẽbaita bʉma biga ẽbʉrʉ aribꞌaedua bʉzha krĩñata.

Mateo 17:5

Mawũã bedꞌea kꞌobꞌʉdꞌe ãzhira ãnabꞌarisia jãrãrã ʉ̃naba, maʉ̃ne Daizezeta jãrãrãneba bedꞌeabʉrʉta mawũãsia: Naʉ̃ mʉ warra mʉãrã kʉãgꞌa, mʉrã izhi kꞌarea sobia bꞌʉa, izhi bedꞌeara ũrĩũdua.

Mateo 3:17

Maʉ̃ne Daizezeta bãjãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, mʉrã izhi kꞌarea sobia bꞌʉa.

Juan 18:11

Jesúsbara Pedroa mawũãsia: Bʉzhi kuchora edꞌa pẽũdua. Mʉ Zezeba mʉrã zuburiabiya nʉmʉba, ¿mʉrã zuburiaidꞌe bꞌʉ ẽka?

Juan 11:4

Jesúsbara maʉ̃ta ũrĩpe mawũãsia: Maʉ̃ mawũã kꞌaya nʉmʉrã bari beuidꞌebema ẽã, awuarabʉrʉ Daizeze zhi zromata kꞌawuadꞌaidꞌebema, mʉ Daizeze Warrata zhi zromata kꞌawuadꞌaidꞌebema.

Juan 9:3

Mawũãnaĩ Jesúsbara panaʉ̃ mawũãsia: Izha kꞌazhiruata odꞌadꞌeba kꞌãwũã bꞌʉ ẽã, miã zhibarirãba kꞌazhiruata odꞌapeadꞌadꞌeba kꞌãwũã bꞌʉ ẽã, awuarabʉrʉ kꞌãwũã tosia Daizezeba kꞌãrẽ obꞌei bꞌʉta dajada nʉmemarẽã naʉ̃neba.

Lucas 9:35

Maʉ̃ne Daizezeta jãrãrãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, izhi bedꞌeara ũrĩũdua.

Lucas 3:22

Mawũẽ Jawurebiata izhi ʉ̃rʉ̃ zesia pusirã kĩrãkꞌa. Maʉ̃ne Daizezeta bãjãneba bedꞌeabʉrʉta mawũãsia: Bʉra mʉ Warra mʉãrã kʉãgꞌa, mʉrã bʉ kꞌarea sobia bꞌʉa.

Marcos 14:36

Izhara mawũãsia: Zeze, bʉitara ne jõma borekea, mawũẽ mʉrã zuburiabirãrũã, mawũãmina aribꞌaerãrũã mʉã krĩñata, awuarabʉrʉ aribꞌaedua bʉzha krĩñata.

Marcos 9:7

Maʉ̃ne ãzhi ʉ̃rʉ̃ zesia jãrãrãta, maʉ̃ jãrãrãneba Daizezeta bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, izhi bedꞌeara ũrĩũdua.

Marcos 1:11

Maʉ̃ne Daizezeta bãjãneba bedꞌeabʉrʉta mawũãsia: Bʉra mʉ Warra mʉãrã kʉãgꞌa, mʉrã bʉ kꞌarea sobia bꞌʉa.

Mateo 11:25

Maʉ̃ ewadera Jesúsbara mawũãsia: Zeze, mʉã bʉra ibia jaraya, bʉra ʉ̃trebema Nokꞌoa, drua Nokꞌoa, bʉ mawũã Nokꞌodꞌebema bʉara kꞌawuabi ẽbasia ãzhikusa krĩcha banata bꞌeara, awuarabʉrʉ kꞌawuabisia krĩcha bana ẽãta bꞌea.

Mateo 11:26

Zeze, bʉma mawũã biga basia.