Juan 11:4 - Porciones del Nuevo Testamento

⁴ Jesúsbara maʉ̃ta ũrĩpe mawũãsia: Maʉ̃ mawũã kꞌaya nʉmʉrã bari beuidꞌebema ẽã, awuarabʉrʉ Daizeze zhi zromata kꞌawuadꞌaidꞌebema, mʉ Daizeze Warrata zhi zromata kꞌawuadꞌaidꞌebema.

Juan 11:4 Referans Kwoze

Juan 11:40

Mawũãĩ Jesúsbara mawũãsia: ¿Mʉã bʉaa jarasi ẽka bʉa mʉnebemata ĩjãrã ũduita zarea Daizezedꞌera?

Juan 9:3

Mawũãnaĩ Jesúsbara panaʉ̃ mawũãsia: Izha kꞌazhiruata odꞌadꞌeba kꞌãwũã bꞌʉ ẽã, miã zhibarirãba kꞌazhiruata odꞌapeadꞌadꞌeba kꞌãwũã bꞌʉ ẽã, awuarabʉrʉ kꞌãwũã tosia Daizezeba kꞌãrẽ obꞌei bꞌʉta dajada nʉmemarẽã naʉ̃neba.

Juan 5:23

Mawũãtrʉ jõmaʉ̃ba mʉ zhi Warrata wawiadꞌaya mʉ Zeze wawia panʉ kĩrãkꞌa. Mʉ zhi Warrata wawia ẽãbara wawia ẽã mʉ Zeze mʉ zokꞌadꞌata.

Juan 17:5

Kꞌõbebʉrʉ Zeze, mʉrã bʉ kꞌaita zhi zromata bꞌʉdua, bʉ ũme zhi zromata bꞌadꞌa kĩrãkꞌa ẽjũã nʉmeĩ nawedꞌa.

Juan 2:11

Maʉ̃ ũdudꞌakꞌata naarabemata obʉrʉra Jesúsbara osia Caná pʉwʉrʉdꞌe Galilea druadꞌe, aramaʉ̃ne ũdubigasia izhira zhi zromata, mawũẽ izha jʉrʉkuadꞌabara wuaabʉrʉ ĩjãsidꞌa izhidꞌebemata.

Juan 17:1

Jesúsbara maʉ̃ta jarape ʉ̃taa akʉ zhiwidꞌi mawũãsia: Zeze, ewarira arabasia, mawũẽ kꞌawuabigarua mʉ bʉ Warra zhi zromata, aramaʉ̃ne mʉ bʉ Warrabidꞌa kꞌawuabigaya bʉra zhi zromata.

Juan 9:24

Mawũẽ daʉbꞌerrea bꞌadꞌara wakusa trʉ̃nape mawũãsidꞌa: Daizeze kĩrãbita daia wãrãta jaradua. Daibara kꞌawua bꞌea kꞌãʉ̃ kꞌazhirua omiãta.

Juan 8:54

Mawũãnaĩ Jesúsbara panaʉ̃ mawũãsia: Mʉta mʉzhikusa bia jara nʉmaĩbʉrʉ, mawũã mʉzhita bia jara nʉmʉrã kꞌãrẽ ẽã. Mawũãmina mʉrã mʉ Zezeba bia jara bꞌʉa, izhira marãbara Daizezea abꞌea.

Romanos 11:11

Maʉ̃neba mʉã widꞌiya: ¿Israelitarã Cristodꞌebema ĩjãna ẽãba tẽnedrʉbʉdara jipa bꞌaesidꞌakꞌa? ¡Mawũã ẽã! Baribʉrʉ aribꞌaedꞌa ẽãnebara Daizezebara judíorã ẽãta ẽdrʉbi nʉmʉã, aramaʉ̃ne Judíorãta bĩ ẽã bꞌeamarẽã.

Juan 17:10

Mʉrẽta bꞌera bʉrea, bʉreta bꞌera mʉrẽã. Aramaʉ̃ne mʉrã zhi zromata dajada nʉmʉã ãzhidꞌeba.

Juan 12:28

Mawũẽ mʉãrã mawũãña: Zeze, bʉra zhi zromata ũdukꞌawabigarua. Maʉ̃ne Daizeze ʉ̃treba bedꞌeabʉrʉta mawũãsia: Mʉrã zhi zromata ũdukꞌawabiga bꞌʉta mʉãrã wakusa ũdukꞌawabigaya.

Juan 10:38

Mawũãmina mʉã onʉmʉbʉrʉ, mʉã jara nʉmʉta ĩjãna ẽãsidꞌa, maʉ̃ mʉã onʉmʉta ĩjãũdua, aramaʉ̃ne kꞌawuadꞌaya mʉ Zezera mʉne bꞌʉta, mʉrã mʉ Zezedꞌe bꞌʉta.