Juan 11:38 - Porciones del Nuevo Testamento

³⁸ Jesús wakusa kꞌãbãẽã sopua zesia Lázaro wuagꞌadꞌapeadꞌa maẽ. Mama zobꞌeata nʉmʉta mongꞌara zromaba tapa nʉmasia.

Juan 11:38 Referans Kwoze

Juan 11:33

Jesúsbara María jẽga bꞌʉta ũdubʉrʉdꞌe, judíorã izhi kꞌopaya bꞌesidꞌa jẽga kꞌobꞌeta ũdui kꞌãbãẽã sopuasia.

Mateo 27:60

Mobe edꞌa tabꞌʉsia izhidꞌe beuwãrã wuagꞌai nʉmʉta zhiwidꞌi maẽ, maʉ̃ izhara peñata zobꞌea kꞌorubidꞌa basia. Edꞌa wãbari maẽ mongꞌara zromaba tapabigape wãsia.

Juan 20:1

Semana ewarita nabemata domingodꞌe María Magdalena diapedꞌa wadꞌi pãrĩgua nʉmʉne wãsia Jesús wuagꞌadꞌapeadꞌaidꞌu. Maʉ̃nerã peña zobꞌeata tapa kꞌobꞌadꞌara mongꞌara ãña ʉratʉ kꞌobꞌʉta ũdusia.

Lucas 24:2

Maʉ̃nerã mongꞌara ãña ʉratʉ kꞌobꞌʉta ũdusidꞌa peña zobꞌeata tapa kꞌobꞌadꞌata.

Marcos 15:46

Mawũẽ Josébara burubꞌata edape cruzdꞌebara Jesús ãĩ edape burasia burubꞌaba, mobe edꞌa tabꞌʉsia peñata zobꞌea kꞌorubidꞌa maẽ. Mobe mongꞌara zromaba tapabigasia maʉ̃ zobꞌeadꞌe edꞌa wãbarira.

Marcos 8:12

Mawũẽ ĩñabape Jesúsbara mawũãsia: ¿Kꞌãrẽã ũdudꞌakꞌata ũdubimarẽã jara duanu marã bꞌebara? Mʉã wãrĩnu marãã jaraya, mʉãrã ũdudꞌakꞌara ũdubiga ẽã marã bꞌeara.

Mateo 27:66

Mawũãĩ ãzhira wãnape peña zobꞌeara sãwũãna ẽbaidꞌe obʉdata mongꞌara zhi tapa kꞌobꞌʉra kꞌarasidꞌa, mobe soldaorãta duanebisidꞌa akʉdꞌamarẽã.