Juan 11:28 - Porciones del Nuevo Testamento

²⁸ Mawũãpe Martabara zhi mebea María trʉ̃ne wãpe chupea mawũãsia: Miã Ũrãgꞌabarira nama bꞌʉa, bʉta trʉ̃ kꞌobꞌʉa.

Juan 11:28 Referans Kwoze

Juan 13:13

Marãbara mʉrã jara bꞌea Miã Ũrãgꞌabarita, Nokꞌota, mawũã jaradꞌaira biga mʉrã maʉ̃ baera.

Juan 11:20

Martabara Jesús uruta ũrĩbʉrʉdꞌera kĩrãzhu wãsia, mawũãmina Maríara bꞌesia dedꞌa.

Marcos 10:49

Mawũãĩ Jesús pi nʉmepe trʉ̃namarẽã jarabʉrʉba trʉ̃ mawũãsidꞌa: Wãniguarua, piradrʉrua, bʉra trʉ̃ kꞌobꞌʉa.

Juan 21:7

Maʉ̃ne izha jʉrʉdꞌata Jesúsba kʉãgꞌaba Pedroa mawũãsia: ¡Kꞌãʉ̃ Nokꞌoa! Simón Pedroba mawũã Nokꞌota ũrĩbʉrʉdꞌera, wua ãnebꞌari jʉ̃ bꞌʉta wẽãnata jʉ̃pe doidꞌu tẽũsia.

Juan 20:16

Mawũãĩ Jesúsbara mawũãsia: ¡María! Mawũãĩ pʉrʉwape izhara mawũãsia: ¡Raboni! Maʉ̃bara jara krĩña bꞌʉa Miã Ũrãgꞌabarita.

Juan 10:3

Puerta jʉ̃ã bꞌʉbara maʉ̃ edꞌa wãmarẽã ewabaria, ovejarãbara izhi nemirã ũrĩkꞌawua bꞌea, izhi ovejarã trʉ̃ jara ãĩ jʉre edebaria.

Juan 1:45

Felipebara Natanael jʉrʉ wãpe ũdui mawũãsia: Daibara ũdusidꞌa jari Moiséba ũrãgꞌadꞌe bꞌʉdꞌara, jari Daizezeba bedꞌeata jarabibarirãba jara bꞌʉdꞌapeadꞌara. Izhira Jesúa, José warra Nazaredꞌebema.

Juan 1:41

Andrésbara naara zhi mebea Simónta jʉrʉ wãpe ũdui mawũãsia: Daibara ũdusidꞌa zhãrã Ẽdrʉbira.

Lucas 22:11

Mobe zhidekʉa mawũãũdua: Miã Ũrãgꞌabariba mawũãsia: ¿Kʉdꞌa sãma bꞌʉ Egiptodꞌeba ẽzoadꞌata krĩcha kꞌobadata mʉã mama kꞌoira mʉã jʉrʉkuadꞌa bawarauba?

Marcos 14:14

Deidꞌu wãbʉrʉ maẽ de zhibaria mawũãũdua: Miã Ũrãgꞌabariba mawũãsia: ¿Kʉdꞌa sãma bꞌʉ Egiptodꞌeba ẽzoadꞌata krĩcha kꞌobadata mʉã mama kꞌoira mʉã jʉrʉkuadꞌa bawarauba?

Mateo 26:18

Mawũãnaĩ izhara mawũãsia: Pʉwʉrʉedꞌa wãũdua ũmakĩrã mʉ ũdukꞌawuama, mobe mawũãũdua: Miã Ũrãgꞌabariba mawũãsia: Mʉ bebura kꞌaita basia, mawũẽ fiesta zhikota mʉãrã bʉ dedꞌa oya mʉã jʉrʉkuadꞌa bawarauba.

Juan 11:29

Maríabara maʉ̃ta ũrĩpe ĩñabasia piradrʉpe zesia Jesúsma.

Juan 11:30

Jesús wadꞌi pʉwʉrʉdꞌe edꞌa ze ẽbasia, awuarabʉrʉ bꞌasia Martaba ũdudꞌa maẽ.