30 Mʉrã mʉ Zeze ũme abꞌaʉta panʉã.
Mawũãĩ Jesúsbara mawũãsia: ¿Mʉrã marã bawara bꞌʉta ewari bio bata, bʉa mʉrã ũdukꞌawa ẽka Felipe? Mʉta ũdu bꞌʉbara mʉ Zezeta ũdu bꞌʉa, ¿maʉ̃ta bʉara sãwũã mawũãbʉrʉ: Daia ũdubigarua bʉ Zezeta?
Mawũãtrʉ jõmaʉ̃ba mʉ zhi Warrata wawiadꞌaya mʉ Zeze wawia panʉ kĩrãkꞌa. Mʉ zhi Warrata wawia ẽãbara wawia ẽã mʉ Zeze mʉ zokꞌadꞌata.
Mawũẽ wãũdua, mobe ĩjãnamarẽã mʉnebemata jaraudua druaza zhãrã jõmaʉ̃ã. Buru kꞌoekuaudua Daizeze trʉ̃neba, mʉ zhi Warra trʉ̃neba, Jawurebia trʉ̃neba.
Mawũãĩ Jesúsbara panaʉ̃ mawũãsia: Mʉta kʉãgꞌa bꞌʉbara mʉ bedꞌeata aribꞌaeya, mobedꞌeba mʉ Zezebara kʉãgꞌa baya, aramaʉ̃ne daira izhima zedꞌape izhi bawara panaña.
Mawũãnaĩ Jesúsbara mawũãsia: Mʉã wãrĩnu marãã jaraya: Abraham nawedꞌa mʉrã bꞌʉa.
Mawũẽ Jesúsbara mawũãsia: Mʉ Zezera ewariza kꞌãrẽ obꞌʉa, mawũẽ mʉsidꞌa kꞌãrẽ onʉmʉã.
Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, mʉ Zezebʉrʉ kꞌawua bꞌʉa, miõba kꞌawua ẽã mʉ Zezedꞌebema, mʉ zhi Warrabʉrʉ kꞌawua bꞌʉa, mawũẽ mʉ zhi Warraba kꞌawuabi krĩñabʉrʉaara kꞌawuabiya.
Mʉrẽta bꞌera bʉrea, bʉreta bꞌera mʉrẽã. Aramaʉ̃ne mʉrã zhi zromata dajada nʉmʉã ãzhidꞌeba.
Jõma mʉ Zezeba erubꞌʉra mʉrẽã. Maʉ̃ba mʉãrã jarabʉrʉa Jawurebiabara mʉ bedꞌeata ũrĩpe marãã kꞌawuabigaita.
Mʉ Zezera ãzhita mʉãã diadꞌara jõmaʉ̃ audre zhi zroma, mawũẽ miõba jãrĩkua ẽã mʉ Zeze juwuadꞌebara.
¿Maʉ̃ne mʉrã mʉ Zezeba jʉrʉpe naʉ̃ ẽjũãẽna zokꞌadꞌata, marãbara bʉra Daizezema mitia bedꞌeabʉrʉa abʉda ẽka, bari mʉã jarabʉrʉdꞌeba mʉrã Daizeze Warrata?