Juan 1:29 - Porciones del Nuevo Testamento

²⁹ Nrũẽma Juanbara Jesús izhima uruta ũdupe mawũãsia: Akaudua, kꞌãʉ̃ta Oveja zake Daizezedꞌea, naʉ̃bara kꞌazhirua ne ẽã oya ẽjũãne zhãrã bꞌeta.

Juan 1:29 Referans Kwoze

Juan 1:36

Maʉ̃ne Jesústa mama taita ũdui mawũãsia: ¡Akaudua, naʉ̃ta Oveja zake Daizezedꞌea!

Hechos 8:32

Bedꞌeata zhi bꞌʉmata le kꞌobꞌadꞌara mawũã bꞌasia: Iabꞌa oveja kĩrãkꞌa beadꞌe edesidꞌa. Izhi kꞌara kꞌõbari kĩrãbita oveja chupeabari kĩrãkꞌa chupeasia izhira.

Juan 3:16

Daizezebara ẽjũãne bꞌera kꞌãbãẽã kʉãgꞌaba diasia zhi Warra abꞌa bꞌʉta, izhidꞌebemata ĩjãbʉrʉra adua ẽbamarẽã, awuarabʉrʉ erubꞌamarẽã Daizeze ũme bꞌai jõ ẽãta.

Mateo 20:28

Aramaʉ̃ kĩrãkꞌa mʉ Beubari Bape bꞌʉra ze ẽbasia zhãrãba aribꞌaedꞌamarẽã, awuarabʉrʉ zesia zhãrã aribꞌaeita, aramaʉ̃ne mʉ bebura diaya jõmaʉ̃bari.

Hechos 13:39

Moisé ũrãgꞌadꞌebara bedꞌea ne ẽã duane bꞌe ẽãta, Jesúsdꞌebara bedꞌea ne ẽã duaneña jõma izhidꞌebemata ĩjãbʉdara.

Mateo 1:21

Maríabara zhũmakĩrãta toya, maʉ̃ bʉara Jesústa trʉ̃gadua, trʉ̃ mawũã bꞌaya izhidꞌerãta ẽdrʉbigai baera ãzhi kꞌazhiruadꞌeba.

Juan 1:35

Nrũẽma Juan wakusa mama bꞌasia izha jʉrʉkuadꞌata ũme bawara.

Juan 1:43

Nrũẽma Jesús Galilea druaedꞌa wãĩta babʉrʉdꞌera, Felipeta ũdupe mawũãsia: Mʉ kꞌaidꞌu bꞌadua.

Juan 2:1

Ewari ũbeadꞌe iabꞌa juwua jidabʉrʉdꞌe fiesta osidꞌa Caná pʉwʉrʉdꞌe, maʉ̃ pʉwʉrʉra Galilea druadꞌebema. Mama bꞌasia Jesús papata.

Juan 4:42

Maʉ̃nerã wũẽrãã mawũãsidꞌa: Daibara ĩjã kꞌopanʉ ẽã bari bʉa jarabʉrʉdꞌeba, awuarabʉrʉ izhi bedꞌeara jipa daiba ũrĩbʉda, mawũẽ kꞌawuabʉda naʉ̃ wãrĩnu ẽjũãne zhãrã bꞌeta Ẽdrʉbiita.

Juan 6:51

Mʉrã panta Daizeze ũme bꞌai jõ ẽãta ʉ̃treba zesia, iabꞌaʉba pan mʉta kꞌobʉrʉra Daizeze ũme bꞌai jõ ẽã bꞌaya. Pan mʉã diabʉrʉra mʉ zharata diaya. Maʉ̃ mʉãrã Daizeze ũme bꞌai jõ ẽãta diaya ẽjũãne zhãrã bꞌea.