Juan 1:19 - Porciones del Nuevo Testamento

¹⁹ Jesúsdꞌebemata Juanba jarasidꞌera, nokꞌorã judíorãba Jerusalénneba sacerdoterãta levitarã bawara zokꞌasidꞌa widꞌi mawũãnamarẽã: ¿Bʉra kꞌaipe?

Juan 1:19 Referans Kwoze

Juan 10:24

Maʉ̃ne judíorãba bʉredrʉdꞌape mawũãsidꞌa: ¿Bʉara daira sõmbeedꞌa bʉdꞌebema bia kꞌawuabiga ẽã erunʉmaĩpe? Bʉta zhãrã Ẽdrʉbibʉrʉ daia jipa jaradua.

Hechos 19:4

Mawũãnaĩ Pablobara mawũãsia: Juanbara zhãrã buru kꞌoesia buru kꞌoebʉdaba kꞌazhiruara ãmape Daizezeta pẽwãnamarẽã, aramaʉ̃ne zhãrãã jarasia ĩjãnamarẽã izhi tẽã zeidꞌebemata, maʉ̃ Jesústa zhãrã Ẽdrʉbia.

Hechos 13:25

Juanbara izha onʉmʉta jõbibodꞌodꞌera mawũãsia: ¿Marãbara mʉrã kꞌaita krĩcha bꞌe? Mʉrã zhãrã Ẽdrʉbita bꞌʉ ẽã. Mawũãmina iabꞌa mʉ kꞌaidꞌu urua, nezokꞌaba obari kĩrãkꞌara mʉãrã ẽnaĩne bꞌʉ ẽã maʉ̃ba jẽrũne jʉ̃ bꞌʉra.

Juan 2:18

Maʉ̃nerã judíorãba mawũãsidꞌa: ¿Sãwũãta daia kꞌawuabirua Daizezeba kꞌãwũã obi nʉmʉbʉrʉ?

Juan 5:10

Mawũẽ judíorãbara mawũã bꞌebʉrʉa mawũãsidꞌa: Idꞌira ẽnaʉ̃bada ewaria, mawũẽ bʉzhi ertõ anʉma bꞌe ẽã.

Juan 6:52

Mawũãĩ judíorã ãzhirãĩnu bĩ ẽã mawũãsidꞌa: ¿Naʉ̃bara sãwũã mawũã dazhirãã kꞌobigaipe izhi zharata?

Juan 6:41

Judíorãbara Jesús bĩ ẽã jarasidꞌa: Mʉrã pan ʉ̃treba zedꞌa, abʉrʉba.

Juan 1:7

Maʉ̃ zesia ʉ̃nanebemata jarakꞌaita, aramaʉ̃ne jõmaʉ̃ba ĩjãnamarẽã izhidꞌeba.

Juan 2:20

Mawũãĩ judíorãbara mawũãsidꞌa: Naʉ̃ Daizeze dera cuarenta y seis añone pãrãsidꞌa, ¿maʉ̃ta bʉara ewari ũbeadꞌe pãrãĩka?

Juan 5:15

Maʉ̃ wãpe judíorãã jarasia izhira Jesúsba bꞌebidꞌata.

Juan 5:16

Maʉ̃ kꞌarea judíorã Jesús kꞌaidꞌu jirpanesia beadꞌaita, maʉ̃ta onʉmaẽrã ẽnaʉ̃bada ewade.

Juan 5:18

Mawũãbʉrʉ kꞌarea judíorãbara wuaabʉrʉ bea krĩñasidꞌa, ãzhima aramaʉ̃nerã bari ewari ẽnaʉ̃badadꞌebemata aribꞌae ẽã nʉma ẽbasia, awuarabʉrʉ Daizezesidꞌa zhi Zezeta jarasia, ãzhima aramaʉ̃nerã Daizeze ũme abꞌarikadꞌe nʉmasia.

Juan 7:1

Maʉ̃ tẽã Jesús pʉrrʉasia Galilea druadꞌe, Judea druadꞌera pʉrrʉa krĩña ẽbasia judíorãba beaita jirpanʉba.

Juan 7:11

Maʉ̃ne judíorãbara fiestadꞌe jʉrʉ bꞌeta mawũã duanasia: ¿Kꞌãʉ̃ sãma bꞌʉba?

Juan 7:15

Mawũẽ judíorãbara bia akʉdrua mawũãsidꞌa: ¿Naʉ̃bara sãwũã kꞌawua bꞌʉ miã ũrãgꞌaidꞌebema estudia ẽbadꞌata?

Juan 8:22

Mawũãĩ judíorãbara mawũãsidꞌa: ¿Mobera izhikusa zhi beaika, sãwũã mawũã mʉ wãĩma marã wã bꞌedꞌa ẽã abʉrʉ?

Juan 8:48

Mawũãĩ judíorãbara panaʉ̃ mawũãsidꞌa: ¿Kꞌãʉ̃neba bia daibara bʉra Samaria bidꞌata jara panʉta bʉra jaiba erunʉmʉ ẽka?

Juan 8:52

Mawũãĩ judíorãbara mawũãsidꞌa: Ya daibara kꞌawuabʉda bʉra jaiba erunʉmʉã. Abraham beusia, Daizezeba bedꞌeata jarabibarirãsidꞌa beukuasia, maʉ̃ne bʉara mawũãbʉrʉa: Mʉ bedꞌeata aribꞌae bꞌʉra beukꞌa baya.

Juan 8:57

Mawũãĩ judíorãbara mawũãsidꞌa: Bʉra cincuenta añobidꞌa ne ẽãta, ¿bʉa ũdusika Abrahamta?

Juan 10:31

Mawũãbʉrʉ kꞌarea judíorãbara wakusa mongꞌarata jirakua edasidꞌa tabꞌari beadꞌaita.

Juan 11:19

Judíorã bio zesidꞌa Martama, Maríama, aramaʉ̃ne kꞌopayadꞌaita ãzhi mebeata beusi baera.