Hechos 9:6 - Porciones del Nuevo Testamento

⁶ Mawũãĩ Saulobara peraba ure mawũãsia: Nokꞌó, ¿bʉara mʉã kꞌãrẽta oita krĩñape? Mawũãĩ Nokꞌobara mawũãsia: Piradrʉpe pʉwʉrʉedꞌa wãrũã, mama jaradꞌaya bʉa kꞌãrẽ oita.

Hechos 9:6 Referans Kwoze

Hechos 22:10

Mʉãrã mawũãsia: ¿Mʉãrã kꞌãrẽta oipe Nokꞌó? Mʉã mawũãĩ Nokꞌobara mawũãsia: Piradrʉpe Damascoedꞌa wãrũã, mama jõma jaradꞌaya bʉa kꞌãrẽ oita.

Hechos 26:16

Piradrʉrua, ʉ̃ta nʉmedua, mʉrã bʉaa zhi ũdubibʉrʉa mʉnebemata jarabarita bꞌʉita, aramaʉ̃ne bʉa ũdudꞌata jaramarẽã, mʉ bʉaa zhi ũdubi nʉmaĩnebemata jaramarẽã.

Romanos 10:20

Dewara Daizezedꞌeba Isaíaba wãnigua mawũãsia: Mʉrã ũdusidꞌa mʉ jʉrʉ ẽã bꞌeadꞌaba, mʉrã zhi ũdukꞌawabigasia mʉ widꞌi ẽã bꞌeadꞌaa. (Isaías 65:1)

Romanos 10:3

Daizezeba sãwũã bedꞌea ne ẽã bꞌʉbarira kꞌawuadꞌa ẽã, mawũẽ ãzha kꞌãrẽ obꞌeba bedꞌea ne ẽã bꞌeaita krĩcha nʉmeba Daizezeba bedꞌea ne ẽã bꞌʉidꞌebemane duanu ẽã.

Romanos 7:9

Mʉã Moisé ũrãgꞌa kꞌawua ẽã bꞌasidꞌera mʉrã adu-a bꞌasia. Mawũãmina kꞌawuabʉrʉdꞌera mʉãrã kꞌazhiruara wuaabʉrʉ okrĩñasia, mawũẽ mʉrã aduaita beui basia.

Romanos 5:20

Moisé ũrãgꞌara nʉmʉsia kꞌawuabigaita kꞌazhiruata kꞌãbãẽã obadata. Kꞌazhiruata mawũã kꞌãbãẽã obadadꞌebara Daizezebara kꞌawuabisia izhi biaba kꞌãbãẽã sozuburia bꞌʉta.

Hechos 10:32

Mawũẽ zhãrãta zokꞌadua Jope pʉwʉrʉedꞌa, aramaʉ̃ne zebirua Simónta, maʉ̃ abꞌaʉta Pedroa, maʉ̃ bꞌʉa Simón abada dedꞌa, ne eta bi-ia obari maẽ bꞌʉa pusa kꞌaita. Maʉ̃ta zebʉrʉdꞌera bʉaa bedꞌeaya.

Hechos 10:22

Mawũãĩ ãzhara mawũãsidꞌa: Cornelio soldaorã nokꞌota biata bꞌʉbara Daizeze wawia bꞌʉa, izhira judíorã jõmaʉ̃ba bia jara bꞌea. Ángelba maʉ̃ã jarasia bʉta izhi dedꞌa jũẽbimarẽã bʉ bedꞌeata ũrĩĩta.

Hechos 10:6

Maʉ̃ bꞌʉa Simón abada dedꞌa, ne eta bi-ia obari maẽ bꞌʉa, Simónbara izhi dera erubꞌʉa pusa kꞌaita. Pedroba jaraya bʉa kꞌãrẽ oi barata.

Hechos 2:37

Maʉ̃ta ũrĩnaĩ sopuadꞌape Pedroa dewaraurã Jesúsba zokꞌakuadꞌarãã mawũãsidꞌa: Mebẽrã, ¿daibara kꞌãrẽta odꞌaipe?

Lucas 3:10

Mawũãĩ zhãrãbara widꞌi mawũãsidꞌa: Mobera daibara ¿kꞌãrẽta odꞌaipe?

Mateo 19:30

Mawũãmina bio zhi zromata bꞌera zhi zroma ẽãta duaneña, waya zhi zroma ẽãta bꞌeta zhi zromata duaneña.

Hechos 9:5

Mawũãĩ izhara mawũãsia: ¿Bʉra kꞌaipe Nokꞌó? Mawũãĩ mawũãsia: Mʉrã Jesúa, bʉara mʉta pẽwã bꞌʉa, bʉra kꞌãwũãrã dobꞌa pugabʉrʉa sumiãta ne kĩrãkꞌa.