Hechos 9:4 - Porciones del Nuevo Testamento

⁴ Mawũẽ egorodꞌe bꞌaebʉrʉdꞌe nemita ũrĩbʉrʉdꞌera izhaa mawũãsia: Saulo, Saulo, ¿bʉa mʉrã kꞌãrẽã pẽwã bꞌʉ?

Hechos 9:4 Referans Kwoze

Romanos 11:22

Kĩrãkuitaudua, Daizezera biata bꞌʉmina zhãrã jʉ̃ãkꞌaeabaria. Wãrãnebai jʉ̃ãkꞌaeasia judíorã zhi bꞌaekuadꞌata, mawũãmina marã bawarara biata nʉmʉã mawũã biata nʉmaĩnebemane nʉmebʉrʉ. Mawũã nʉme ẽbʉrʉ marãsidꞌa bꞌʉatukuaya.

Juan 21:15

Nekꞌodꞌa tẽã Jesúsbara Simón Pedroa mawũãsia: Simón Jonás warra, ¿bʉa mʉrã audre kʉãgꞌakꞌa naʉ̃rãne kꞌãñabara? Mawũãĩ panaʉ̃ mawũãsia: Ããjã Nokꞌó, bʉa kꞌawua bꞌʉa mʉã bʉra kʉãgꞌata. Mawũãĩ mawũãsia: Jʉredua mʉ pẽwã bꞌeta.

Mateo 25:40

Mawũãnaĩ mʉã Reyba panaʉ̃ mawũãña: Mʉã wãrĩnu marãã jaraya, mʉ mebẽrã za kꞌobꞌedꞌebemata zhi zroma ẽãta bꞌeiita marãba kꞌãrẽ odꞌapeadꞌara mʉĩta osidꞌa.

Juan 20:16

Mawũãĩ Jesúsbara mawũãsia: ¡María! Mawũãĩ pʉrʉwape izhara mawũãsia: ¡Raboni! Maʉ̃bara jara krĩña bꞌʉa Miã Ũrãgꞌabarita.

Juan 18:6

Mawũã Mʉta izhia abʉrʉdꞌera, ãbudea bꞌaekuasidꞌa egorodꞌe.

Lucas 10:41

Mawũãĩ Jesúsbara panaʉ̃ mawũãsia: Marta, bʉra kꞌawua ẽã ĩñabasia nʉmʉã kꞌãrẽ oita bioba.

Hechos 5:10

Audre ẽãne izhira beu bꞌaesia Pedro jẽrũ kꞌaita. Kũrãrã deidꞌu zebʉdadꞌera ũdusidꞌa zhi beumata. Mawũẽ ededꞌape jousidꞌa zhi kĩma kꞌaita.

Hechos 9:5

Mawũãĩ izhara mawũãsia: ¿Bʉra kꞌaipe Nokꞌó? Mawũãĩ mawũãsia: Mʉrã Jesúa, bʉara mʉta pẽwã bꞌʉa, bʉra kꞌãwũãrã dobꞌa pugabʉrʉa sumiãta ne kĩrãkꞌa.