Hechos 9:10 - Porciones del Nuevo Testamento

¹⁰ Maʉ̃ne Damascodꞌe bꞌasia Jesúsdꞌebema ĩjã bꞌʉta Ananía abadata. Nokꞌobara kꞌãĩmokꞌaradꞌe kĩrãkꞌa maʉ̃ã mawũãsia: Ananía. Mawũãĩ izhara panaʉ̃ mawũãsia: Mʉrã za bꞌʉa Nokꞌó.

Hechos 9:10 Referans Kwoze

Hechos 22:12

Mama bꞌasia ũmakĩrã Ananía abadata, maʉ̃bara aribꞌae bꞌasia Moisé ũrãgꞌata. Izhira jõmaʉ̃ba bia jara panasia judíorã mama bꞌebara.

Hechos 10:3

Maʉ̃bara kꞌãĩmokꞌaradꞌe kĩrãkꞌa a las tres dajada ne ũdubʉrʉta ángel Daizezedꞌeta izhi bꞌʉ maẽ edꞌa zepe mawũãsia: Cornelio.

Hechos 2:17

Daizezebara mawũãsia: Ewari jõĩta nʉmebʉrʉdꞌera mʉ Jawurebiara mʉãrã diaya zhãrã jõmaʉ̃ã. Mawũẽ marã warrarãbara marã kꞌaurãbara jaradꞌaya mʉã jarabibʉrʉta. Kũrãrã marãneã mʉãrã ne ũdubiya kꞌãĩmokꞌaradꞌe kĩrãkꞌa, zõrãrã marãneã mʉãrã ne ũdubiya kꞌãĩmokꞌaradꞌe.

Hechos 9:9

Mama ewari ũbea bꞌasia ne ũdu ẽã, nekꞌo ẽã, baniã do ẽã.

Hechos 11:5

Mʉrã Jope pʉwʉrʉdꞌe zhiwidꞌi nʉmasia, maʉ̃ne kꞌãĩmokꞌaradꞌe kĩrãkꞌa mʉã ne ũdusia: Burubꞌa zroma kĩrãkꞌa bꞌʉta i kĩmarẽneba tãjʉ̃ ʉ̃treba uru basia mʉĩnu.

Hechos 12:9

Mawũãĩ Pedro ángel kꞌaidꞌu jʉ̃drʉsia ángelba okꞌobꞌʉra wãrã kꞌawua ẽãta, awuarabʉrʉ krĩchasia ũdu kꞌobꞌʉta kꞌãĩmokꞌaradꞌe kĩrãkꞌa.

Hechos 16:9

Diamase Pablobara kꞌãĩmokꞌaradꞌe kĩrãkꞌa ũdubʉrʉta ũmakĩrã Macedonia bidꞌata edau nʉmʉba zuburia bedꞌea mawũãsia: Ya kĩrãrã Macedonia druaedꞌa zepe kꞌarebarua daira.

Hechos 16:10

Kꞌãĩmokꞌaradꞌe kĩrãkꞌa mawũã ũdui, aramaʉ̃ta kĩrãrã wãnaĩne basia Macedonia druaedꞌa, aramaʉ̃ne wãrãne kꞌawuasidꞌa daira Daizezeba trʉ̃bʉrʉta maʉ̃rãã jaradꞌamarẽã Jesúsdꞌebema bedꞌea biata.

Hechos 18:9

Ewari abꞌa Nokꞌo Jesúsbara Pabloa kꞌãĩmokꞌaradꞌe kĩrãkꞌa diamase mawũãsia: Perarãrũã, awuarabʉrʉ bedꞌearua, chupearãrũã.

Hechos 9:12

Izhara kꞌãĩmokꞌaradꞌe kĩrãkꞌa ũdusia ũmakĩrã Ananía abadata, ũdusia deidꞌu zepe juwua ʉ̃rʉ̃ bꞌʉ kꞌobꞌʉta wakusa ne ũdumarẽã.