Hechos 8:30 - Porciones del Nuevo Testamento

³⁰ Felipeba orrabʉrʉdꞌera ũrĩsia Daizezeba bedꞌeata jarabibari librota le nʉmʉta Isaíadꞌeta, mawũẽ mawũãsia: ¿Ũrĩ bꞌʉka bʉa le bꞌʉra?

Hechos 8:30 Referans Kwoze

Juan 5:39

Daizeze bedꞌeata zhi bꞌʉmarã marãbara kĩrãkuita estudia bꞌea, mazhima maʉ̃neba erubꞌeba Daizeze ũme bꞌai jõ ẽãta, mawũã zhi bꞌʉmabara jara bꞌʉa mʉnebemata.

Mateo 15:10

Maʉ̃ jarape Jesúsbara kꞌabanata trʉ̃pe mawũãsia: Mʉã jaraita ũrĩũdua, mobe sãwũãta kꞌawuaudua.

Mateo 13:23

Mawũãmina ne ta pobʉrʉdꞌe egoro biadꞌe bꞌaedꞌara Daizeze bedꞌeata ũrĩpe sãwũãta kꞌawuabadata maʉ̃ã, aramaʉ̃ne zaubada. Mawũẽ eaba bꞌʉa cienne, sesentadꞌe, treintadꞌe abꞌa abꞌakꞌa.

Mateo 13:19

Daizezeta Nokꞌodꞌebemata iabꞌaʉba ũrĩbʉrʉdꞌe sãwũãta kꞌawua ẽbʉrʉ, ãtõmiã bia ẽãta zepe bedꞌeata izha ũrĩnata ãĩ eda bꞌʉa izhi sodꞌeba. Maʉ̃ã ne ta pobʉrʉdꞌe odꞌe bꞌaedꞌata.

Marcos 13:14

Jaidꞌebema ne mitiata nʉmʉbʉdata marãba ũdubʉdadꞌera, Daizezeba bedꞌeata jarabibariba Danielba jaradꞌata ũdudꞌaya. Daizeze dedꞌa nʉma ẽbai bꞌʉta nʉmʉnaña. Mawũẽ zhi naʉ̃ lebʉrʉbara maʉ̃ sãwũãta kꞌawuarua. Mobebaira Judeadꞌe bꞌera merũ wãẽbaudua kꞌatumaẽna.

Mateo 24:15

Mawũẽ Daizeze dedꞌa jaidꞌebema ne mitiata nʉmʉbʉdata marãba ũdubʉdadꞌera, Daizezeba bedꞌeata jarabibariba Danielba jaradꞌata ũdudꞌaya. Mawũẽ zhi naʉ̃ lebʉrʉbara maʉ̃ sãwũãta kꞌawuarua.

Mateo 13:51

Izha jʉrʉkuadꞌaa Jesúsbara mawũãsia: ¿Mʉã jarabʉrʉra jõma sãwũãta kꞌawuabʉdakꞌa? Mawũãĩ ãzhara panaʉ̃ mawũãsidꞌa: Ããjã Nokꞌó.

Hechos 8:27

Mawũãĩ izhira piradrʉpe wãsia. Maʉ̃ne ũdusia ũmakĩrã Etiopía druadꞌebemata. Maʉ̃ nokꞌota bꞌʉkꞌãrĩsia Candaceba, Candacera reina basia Etiopíadꞌe. Maʉ̃bara maʉ̃ bꞌʉkꞌãrĩsia ne biata izha erubꞌʉ jõmaʉ̃ ʉ̃rʉ̃. Maʉ̃ta Jerusalén pʉwʉrʉedꞌa zesia Daizeze ibia jaradꞌe.

Juan 4:34

Maʉ̃ne Jesúsbara mawũãsia: Mʉ zhikora mʉãrã mʉ zokꞌadꞌaba krĩñata oibara, aramaʉ̃ne izha kꞌãrẽ obi nʉmʉkꞌãrĩta jõbiibara.

Hechos 8:5

Felipera Samaria pʉwʉrʉedꞌa wãpe jarakꞌasia Jesúra zhãrã Ẽdrʉbita.

Hechos 8:29

Maʉ̃ne Jawurebiaba Felipea mawũãsia: Orradua kꞌãʉ̃ cocheta.

Hechos 8:31

Mawũãĩ izhara mawũãsia: ¿Mʉã sãwũã ũrĩĩpe iabꞌaʉba sãwũãta mʉãã jara ẽbʉrʉ? Mawũãpe Felipea jarasia ʉ̃tʉ zepe jewedꞌamarẽã izhi ũme.