Hechos 8:14 - Porciones del Nuevo Testamento

¹⁴ Jesúsba zokꞌakuadꞌata Jerusalénne bꞌebara ũrĩsidꞌa mawũã Samariadꞌe Daizeze bedꞌea ĩjãbʉdata, mawũẽ maĩĩnu zokꞌasidꞌa Pedrota Juanta.

Hechos 8:14 Referans Kwoze

Hechos 8:1

Sauloma biga basia Esteban beabʉdara. Abꞌaʉ ewade mebẽrã bĩ ẽã osidꞌa Jerusalénne bꞌeta. Mawũẽ Jesúsba zokꞌakuadꞌa wãna ẽãnerã ãzhira jõma jãrãzoa wãsidꞌa Judea druadꞌe, Samaria druadꞌe.

Hechos 17:11

Maʉ̃rã audre so borekea bꞌeasia Tesalónica pʉwʉrʉdꞌe bꞌe kꞌãñabara, mawũẽ bedꞌeata Jesúsdꞌebema ũrĩ krĩña ũrĩsidꞌa. Daizeze bedꞌeara ewariza lesidꞌa maʉ̃ jarabʉdara wãrĩnu kꞌawuaita.

Hechos 15:4

Jerusalénʉẽna jũẽbʉdadꞌera bia edasidꞌa mebẽrãba, Jesúsba zokꞌakuadꞌaba, nokꞌorã mebẽrãneba. Aramaʉ̃ne jõma jarasidꞌa Daizezeba kꞌãrẽ odꞌata ãzhi bawara.

Hechos 11:1

Jesúsba zokꞌakuadꞌabara mebẽrã Judea druadꞌe bꞌebara ũrĩsidꞌa mawũã judío ẽãta bꞌebidꞌa ĩjãbʉdata Daizeze bedꞌeara.

Hechos 2:41

Aramaʉ̃ne Pedro bedꞌeata ĩjãnapeadꞌara buru kꞌoesidꞌa. Maʉ̃ ewadera Jesúsdꞌebema ĩjãbʉdara edꞌa zesidꞌa tres mil.

Juan 12:48

Mʉta seribi ẽãba mʉ bedꞌeata ĩjã ẽãbara erubꞌʉa kꞌaiba pua kꞌawua oira, bedꞌeata mʉã jara nʉmʉba maʉ̃neba Daizezeba kꞌawua oya ewari jõbʉrʉdꞌe.

Lucas 22:8

Maʉ̃ne Jesúsbara Pedrota Juanta zokꞌabʉrʉta mawũãsia: Egiptodꞌeba ẽzoadꞌata krĩcha kꞌobadata odꞌe wãũdua kꞌodꞌaita.

Mateo 13:23

Mawũãmina ne ta pobʉrʉdꞌe egoro biadꞌe bꞌaedꞌara Daizeze bedꞌeata ũrĩpe sãwũãta kꞌawuabadata maʉ̃ã, aramaʉ̃ne zaubada. Mawũẽ eaba bꞌʉa cienne, sesentadꞌe, treintadꞌe abꞌa abꞌakꞌa.