Hechos 7:60 - Porciones del Nuevo Testamento

⁶⁰ Mobe sãkꞌokꞌodꞌe kꞌobꞌepe nemi jĩgua mawũãsia: Nokꞌó, naʉ̃rãta bedꞌea bara bꞌeabirãrũã kꞌãwũã kꞌazhiruata obʉda kꞌarea. Mawũãpe beusia.

Hechos 7:60 Referans Kwoze

Mateo 5:44

Waya mʉã marãã jaraya, kʉãgꞌaudua marã jura bꞌera, ibia jaraudua marã ikꞌazhirua jara bꞌera, bia oudua marã jura bꞌera, zhiwidꞌiudua marã zuburia obꞌebarira.

Lucas 23:34

Maʉ̃nerã Jesúsbara mawũãsia: Zeze, bedꞌea ne ẽã bꞌʉkuadua ãzhara kꞌawuadꞌa ẽbaera kꞌãrẽ obꞌeta. Maʉ̃nerã soldaorãbara izhi wuara ãzhirãĩnu drasidꞌa sãwũã dradꞌaidꞌebemata odꞌape.

Hechos 20:36

Maʉ̃ta jarape Pablo sãkꞌokꞌodꞌe kꞌobꞌepe zhiwidꞌisia ãzhi jõmaʉ̃ bawara.

Hechos 9:40

Jõma ãĩ wãbigape Pedro sãkꞌokꞌodꞌe kꞌobꞌepe zhiwidꞌisia. Mobe beuwãrãta akʉ mawũãsia: ¡Tabita, piradrʉrua! Dabʉ ogꞌabʉrʉdꞌe Pedrota ũdui jewedꞌasia.

Lucas 6:28

Ibia jaraudua marã ikꞌazhirua jara bꞌera, zhiwidꞌiudua marã bĩ ẽã obꞌebarira.

Hechos 21:5

Ewarita arabai dai wãbʉdadꞌera jõmaʉ̃ba wũẽrãrã ãzhidꞌe bawarauba, ãzhi warrarã bawarauba daira pʉwʉrʉ ãĩ kꞌopayasidꞌa. Aramaʉ̃ne ibudꞌe sãkꞌokꞌodꞌe bꞌadape dai jõma zhiwidꞌisidꞌa.

Hechos 13:36

Wãrãnebai Davidbara zhãrã izhi ewaridꞌebema aribꞌaesia Daizezeba krĩñane, maʉ̃ne beupe wuagꞌasidꞌa zhibarirã bꞌeadꞌa bawara, aramaʉ̃ne bꞌerawasia.

Lucas 22:41

Mobe izhira ãzhi maẽbara arajĩga wãpe sãkꞌokꞌodꞌe kꞌobꞌepe zhiwidꞌibʉrʉta,

Mateo 27:52

Mawũẽ beuwãrã wuagꞌadꞌapeadꞌata peña zobꞌeata nʉmerã ewakua totosia. Mawũẽ Daizezedꞌe bꞌeta beukuadꞌata bio piradrʉsidꞌa.

Juan 11:11

Mawũãpe mawũãsia: Dazhirã bawara zhibiara Lázaro kꞌãĩ nʉmʉã, mawũãmina mʉrã wãña ʉ̃rʉ̃mane.