Hechos 6:7 - Porciones del Nuevo Testamento

⁷ Daizeze bedꞌeara wuaabʉrʉ jara wãsidꞌa, mawũẽ Jesúsdꞌebema ĩjã bꞌera kꞌãbãẽã eaba wãsia Jerusalénnerã. Sacerdoterãbidꞌa bioba ĩjã tupudꞌeasia.

Hechos 6:7 Referans Kwoze

Hechos 19:20

Aramaʉ̃ne Jesúsdꞌebema ĩjã bꞌera eaba wãba zhi zromata trʉ̃poa wãsia bedꞌeata Nokꞌo Jesúsdꞌera.

Hechos 12:24

Maʉ̃nerã Daizeze bedꞌeara wuaabʉrʉ jara wãbʉdaba zhi ĩjã bꞌera eaba wãsia.

Romanos 16:26

Mawũãmina idꞌibai kꞌawuabisia, aramaʉ̃ne izha bedꞌeata jarabibarirãba jaradꞌapeadꞌata zhi bꞌʉmaneba, izhi Daizeze bꞌai jõ ẽã bꞌʉ ũrãgꞌadꞌeba zhãrã jõmaʉ̃ã kꞌawuabi nʉmʉã aribꞌaedꞌamarẽã Jesucristodꞌebema ĩjãĩrã.

Romanos 1:5

Jesucristobara mʉrã izhi biaba jʉrʉpe zokꞌasia, aramaʉ̃ne drua jõmaʉ̃nebemaba ĩjãnamarẽã izhidꞌebemata kʉãgꞌa.

Hechos 14:22

Maʉ̃zara wãnigua bꞌeamarẽã jarasidꞌa Jesúsdꞌebema ĩjã bꞌea, aramaʉ̃ne soidꞌu bꞌeamarẽã ũrãgꞌa mawũãsidꞌa: Ne biodꞌe zuburiai bara dazhi edꞌa wãĩrã Daizezeta Nokꞌota bꞌʉ maẽ.

Hechos 21:20

Maʉ̃ta ãzha ũrĩbʉdadꞌera Daizezera ibia jarasidꞌa. Mobe Pabloa mawũãsidꞌa: Akʉbꞌʉe mebea, judíorãnebema mil bio bꞌʉa Jesúsdꞌebema ĩjãbʉdata, jõmaʉ̃ba aribꞌae bꞌea Moisé ũrãgꞌata.

Hechos 13:8

Mawũãmina idaribiga ẽbasia Elima jaibanaba. Griego bedꞌeadꞌera maʉ̃ basia izhi trʉ̃rã. Aramaʉ̃ne ĩjãbi ẽbaita nʉmasia nokꞌoa.

Juan 12:42

Isaíaba mawũã jarasimina judíorãta nokꞌorãbara bioba ĩjãsidꞌa Jesúsdꞌebema. Mawũãmina ĩjã bꞌea adꞌa ẽbasia wawia bꞌeba fariseorãta, aramaʉ̃ne edꞌa wãbi ẽã nʉmʉna ẽbamarẽã de zhi jʉrebada maẽ.

Lucas 2:34

Mobebʉrʉ Simeónbara ibia jarakꞌape Jesús papa María mawũãsia: Naʉ̃ bꞌʉsidꞌa Israel bio aduaita, bio ẽdrʉita. Maʉ̃ dajadata Daizezedꞌeba nʉmʉ ẽã adꞌaya.

Mateo 19:30

Mawũãmina bio zhi zromata bꞌera zhi zroma ẽãta duaneña, waya zhi zroma ẽãta bꞌeta zhi zromata duaneña.

Hechos 2:47

Daizezera ibia jara bꞌeasia, ãzhira kʉãgꞌade basia zhãrã jõmaʉ̃ba. Maʉ̃nerã Nokꞌo Jesúsbara izhidꞌebema ĩjã bꞌedꞌe edꞌa ewariza zebi nʉmasia zhi ẽdrʉdꞌaita bꞌera.

Hechos 6:1

Maʉ̃ ewadera Jesúsdꞌebema ĩjã bꞌera eaba wãsia, maʉ̃ne griego bedꞌeadꞌe bedꞌea bꞌeba jara jirpanesia hebreo bedꞌeadꞌe bedꞌea bꞌeta, jarasidꞌa pẽdrarã griegorãnebema bia aribꞌaedꞌa ẽãta kꞌarebata ewariza nʉmʉnerã.