Hechos 4:27 - Porciones del Nuevo Testamento

²⁷ Wãrĩnu naʉ̃ pʉwʉrʉdꞌera ãba jirpanesia Herodeta, Poncio Pilatota, judíorã ẽãta, Israel bꞌeta. Mawũã ãba jirpanesia bʉ Warra Jesús beadꞌaita zhãrã Ẽdrʉbiita bʉa jʉrʉdꞌata.

Hechos 4:27 Referans Kwoze

Mateo 27:2

Mawũẽ juwua tãjʉ̃ ededꞌape Pilatoa chãbꞌarisidꞌa Roma bidꞌata nokꞌoa.

Hechos 4:30

Bʉ zareata dedꞌekarua zhãrã bꞌebidꞌaita, ũdudꞌakꞌata odꞌaita bʉ Warra Jesús trʉ̃neba.

Lucas 9:22

mawũãsia: Mʉ Beubari Bape bꞌʉra ne biodꞌe zuburiaya, seribidꞌa ẽbaya nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Aramaʉ̃ne beabʉdadꞌera piradrʉya ewari ũbeadꞌe.

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.

Hechos 2:27

Bʉara mʉ jawurera ãmaẽ ẽã beudꞌata bꞌe maẽrã, mʉrã bʉ nezokꞌa kĩrãẽpa bꞌʉra bꞌerawabi ẽã.

Juan 19:34

Mawũãmina soldaorãnebema abꞌaʉba miãsuba orroma susia, mawũẽ aramaʉ̃ta drʉsia wata, baniãta.

Juan 18:28

Caifás de maẽbara Jesús edesidꞌa nokꞌo dedꞌa soldaorã tabꞌʉidꞌu. Maʉ̃nerã diapedꞌa nʉmasia. Judíorã Jesús ededꞌapeadꞌara maʉ̃ dedꞌara edꞌa wãna ẽbasia. Ãzhima aramaʉ̃nerã Daizeze kĩrãbita mitia ẽãba kꞌo bꞌeidꞌe bꞌasia Egiptodꞌeba ẽzoadꞌata krĩcha kꞌobadara.

Juan 10:36

¿Maʉ̃ne mʉrã mʉ Zezeba jʉrʉpe naʉ̃ ẽjũãẽna zokꞌadꞌata, marãbara bʉra Daizezema mitia bedꞌeabʉrʉa abʉda ẽka, bari mʉã jarabʉrʉdꞌeba mʉrã Daizeze Warrata?

Juan 1:11

Izhidꞌerãma zesia, mawũãmina izhidꞌerãbara bia edadꞌa ẽbasia.

Lucas 22:63

Soldaorã Jesús akʉ erukꞌopanʉbara ãzhima sewakꞌau bꞌʉdꞌeba jirachi jirpanesia.

Lucas 4:18

Jawurebia Daizezedꞌera mʉne bꞌʉa, mʉrã jʉrʉsi baera bedꞌea biata jaramarẽã zuburia bꞌea. Mʉrã zokꞌasia sobia omarẽã sopua bꞌeta, ẽdrʉbiita jaramarẽã jida erubꞌeta, ne ũdubimarẽã daʉbꞌerrea bꞌeta, ẽdrʉbimarẽã zuburia obꞌeta.

Lucas 1:35

Mawũãĩ ángelbara panaʉ̃ mawũãsia: Jawurebiata bʉ ʉ̃rʉ̃ zebʉrʉba bʉra Ʉ̃trebema zareaba ãnabꞌariya, aramaʉ̃ne wũãwũã toira Daizezedꞌeba Daizeze Warra adꞌaya.

Marcos 15:31

Aramaʉ̃ kĩrãkꞌa sacerdoterã nokꞌorãbara, ũrãgꞌa Moisédꞌe jarabadabara ãzhima sewakꞌau bꞌʉdꞌeba ãzhirãĩnu mawũãsidꞌa: Awʉrʉrã kꞌarebape izhikusara zhi kꞌareba bꞌe ẽã.

Marcos 10:33

Dazhirã wãrĩze wã Jerusalén pʉwʉrʉedꞌa, mʉ Beubari Bape bꞌʉra maĩnu chãbꞌaridꞌaya sacerdoterã nokꞌorãta bꞌea, ũrãgꞌa Moisédꞌe jarabadata bꞌea, maʉ̃rãbara jaradꞌaya mʉrã beadꞌamarẽã, aramaʉ̃ne mʉrã chãbꞌaridꞌaya judíorã ẽãta bꞌea.

Mateo 23:37

¡Jerusalén, Jerusalén, marãbara Daizezeba bedꞌeata jarabibarirã bea bꞌea, mongꞌaraba tabꞌari bea bꞌea marãma zokꞌakuabʉrʉra! ¡Mʉã marã biodꞌe ãba jʉre krĩñasia eterreba zhi warrarãta i edre ãba jʉrebari kĩrãkꞌa, mawũãmina marãbara krĩñana ẽbasia!

Mateo 21:28

¿Mawũãmina marãma sãwũãpe? Ũmakĩrãba erubꞌasia warrarãta ũme, mawũẽ zhi nabemata orrape mawũãsia: Warra, idꞌira trajadꞌe wãrũã mʉ uvadꞌe.

Mateo 14:1

Maʉ̃ ewadera Herode Galileadꞌe reyta bꞌʉdꞌe ũrĩsia Jesús trʉ̃poa nʉmʉta.

Mateo 14:3

Mawũã jarasia Herodebara Juan jidabipe cadenaba jʉ̃bipe cárceldꞌe buebidꞌaba, mawũã osia Herodía kꞌarea, maʉ̃ zhi mebea Felipe kĩma basia.

Mateo 14:6

Mawũãmina Herode año cumpli nʉmʉ fiestadꞌe Herodía kꞌauta miõ ẽsadra bairabʉrʉta Herodema biga basia.

Lucas 23:1

Mobebʉrʉ jõma piradrʉdꞌape Jesús edesidꞌa nokꞌo Pilatoma.

Juan 18:29

Mawũẽ Pilato ãzhima zepe mawũãsia: ¿Naʉ̃ kꞌãrẽã ji kꞌopanʉ?