Hechos 4:21 - Porciones del Nuevo Testamento

²¹ Mobebʉrʉ nokꞌorãbara wuaabʉrʉ waragꞌadꞌape ẽna panʉsidꞌa. Sãwũã udꞌaira kꞌawuadꞌa ẽbasia zhãrã jõmaʉ̃ba Daizeze ibia jara kꞌobꞌe baera kꞌãrẽ sãwũã dogꞌoba.

Hechos 4:21 Referans Kwoze

Hechos 5:26

Mawũãĩ Daizeze de akʉbada nokꞌora wekuaita wãsia Daizeze de akʉbada bawara, aramaʉ̃ne zhõ ne ẽã wekuasia perabʉdaba zhãrãba mongꞌaraba tabꞌari beadꞌaidꞌeba.

Lucas 22:2

Sacerdoterã nokꞌorãta bꞌera ũrãgꞌa Moisédꞌe jarabadata bꞌera krĩcha jʉrʉ bꞌeasia Jesús sãwũã beadꞌaita, ãzhara wawia bꞌe baera zhãrã bꞌeta.

Lucas 20:19

Sacerdoterã nokꞌorãbara ũrãgꞌa Moisédꞌe jarabadabara aramaʉ̃ta jida krĩñasidꞌa mawũã ne jarabʉrʉbara ãzhita jarabʉrʉta kꞌawuabʉdaba. Mawũãmina wawiasidꞌa zhãrãta.

Lucas 20:6

Dazhirãba zhãrãba zokꞌasia adꞌara, dazhirã zhãrã jõmaʉ̃ba mongꞌaraba bꞌata jidadꞌaya kꞌawua bꞌe baera Juan Daizezeba bedꞌeata jarabibarita bꞌadꞌata.

Mateo 21:46

Mawũẽ sãwũã jidadꞌaita krĩcha jʉrʉsidꞌamina, zhãrãta wawiasidꞌa zhãrãma Jesús Daizezeba bedꞌeata jarabibarita bꞌʉ baera.

Mateo 9:8

Zhãrãba maʉ̃ta ũdubʉdadꞌera bia akʉdrua Daizeze ibia jarasidꞌa maʉ̃ zareata diasi baera beubari bꞌea.

Hechos 5:40

Mawũãĩ krĩcha abꞌarika zekuasia izhi bawara. Mobebʉrʉ Jesúsba zokꞌakuadꞌara trʉ̃sidꞌa, mobe ubidꞌape jarasidꞌa jaradꞌa ẽbamarẽã Jesúsdꞌebema, mobebʉrʉ ẽna panʉsidꞌa.

Hechos 4:17

Mawũãmina zhãrãne edꞌa wuaabʉrʉ trʉ̃poa ẽbamarẽã ãzhira waragꞌadꞌaya naneba ʉ̃taara miõã jaradꞌa ẽbamarẽã maʉ̃ Jesúsdꞌebemata.

Lucas 13:17

Jesúsba mawũãĩ jõma perasidꞌa izhi jura kꞌobꞌera. Mawũãmina zhãrã kꞌobꞌera jõma sobiasidꞌa izha mawũã biata onʉmʉ jõmaʉ̃ kꞌarea.

Lucas 5:26

Mawũẽ jõmaʉ̃ba bia akʉdrua Daizeze ibia jarasidꞌa. Kꞌãbãẽã pera kꞌobꞌeidꞌu mawũãsidꞌa: Idꞌi ũdubʉda ne biata.

Mateo 26:5

Mawũãmina mawũãsidꞌa: Fiestadꞌera beadꞌa ẽã zhãrãta kĩrũna ẽbamarẽã pʉwʉrʉdꞌe.

Mateo 15:31

Maʉ̃ta kꞌabanaba bia akʉdrua ũdubʉdara bedꞌea bꞌe ẽã bꞌera bedꞌeasidꞌa, juwua dorrabꞌari bꞌera bꞌesidꞌa, wã bꞌe ẽã bꞌera wãsidꞌa, daʉbꞌerrea bꞌera ne ũdusidꞌa. Mawũẽ ibia jarasidꞌa Daizeze Israel bꞌedꞌera.

Mateo 9:33

Jesúsba jaita ãĩ jʉretabʉrʉdꞌera bedꞌea bꞌe ẽã bꞌadꞌara bedꞌeasia. Mawũẽ zhãrãbara bia akʉdrua mawũãsidꞌa: Kꞌãwũãrã ũdudꞌakꞌa Israeldꞌera.

Hechos 4:22

Wã bꞌe ẽã bꞌʉta mawũã bꞌedꞌara bꞌasia cuarenta año audre.

Hechos 5:13

Awʉrʉra miõta ãba zedꞌakꞌa basia ãzhi bawarara. Mawũãmina zhãrãbara ãzhira kꞌãbãẽã bia jara bꞌeasia.