Hechos 4:17 - Porciones del Nuevo Testamento

¹⁷ Mawũãmina zhãrãne edꞌa wuaabʉrʉ trʉ̃poa ẽbamarẽã ãzhira waragꞌadꞌaya naneba ʉ̃taara miõã jaradꞌa ẽbamarẽã maʉ̃ Jesúsdꞌebemata.

Hechos 4:17 Referans Kwoze

Hechos 5:28

mawũãsia: ¿Daibara marãã jipa jarasidꞌa ẽka jaradꞌa ẽbamarẽã Jesúsdꞌebema? Maʉ̃ta marãbara Jerusalénne jõmaʉ̃ã jarabʉda mazhi ũrãgꞌara, aramaʉ̃ne dai ʉ̃rʉ̃ bꞌaebi krĩña panʉã Jesús bebuta.

Hechos 5:24

Maʉ̃ bedꞌeata ũrĩbʉdadꞌera sacerdote wagꞌaubara, Daizeze de akʉbada nokꞌobara, sacerdoterã nokꞌorãbara kꞌawuadꞌa ẽbasia maʉ̃ sãwũãĩrã.

Hechos 4:21

Mobebʉrʉ nokꞌorãbara wuaabʉrʉ waragꞌadꞌape ẽna panʉsidꞌa. Sãwũã udꞌaira kꞌawuadꞌa ẽbasia zhãrã jõmaʉ̃ba Daizeze ibia jara kꞌobꞌe baera kꞌãrẽ sãwũã dogꞌoba.

Mateo 27:64

Mawũẽ jaradua peña zobꞌeara akʉdꞌamarẽã ewari ũbeaedꞌa, mobedꞌeba izha jʉrʉkuadꞌata diamase wãnape zrʉgadꞌape zhãrãã mawũãna ẽã: Beudꞌata piradrʉsia. Tẽã mawũã sewata jarabʉdara audre bia ẽbaya naarabema kꞌãñabara.

Mateo 9:30

Aramaʉ̃ne ãzhira ne ũdu panesia. Jesúsbara zarea jarabʉrʉta mawũãsia: Kꞌãʉ̃ta miõã kꞌawuabirãũdua.

Juan 15:21

Marã mʉ kꞌarea mawũã zuburia odꞌaya, ũdukꞌawadꞌa ẽãba mʉ zokꞌadꞌata.