Hechos 28:18 - Porciones del Nuevo Testamento

¹⁸ Maʉ̃rãbara mʉnebema sãwũãta kꞌawuadꞌape mʉrã ẽna krĩñasidꞌa ne ẽãba mʉ kꞌãrẽã beadꞌaira.

Hechos 28:18 Referans Kwoze

Hechos 23:29

Mawũẽ mʉãrã kꞌawuasia ãzhi ũrãgꞌadꞌebema kꞌarea jirpanʉta. Mawũãmina miã kꞌãrẽ bedꞌeata erubꞌa ẽbasia beadꞌaira o cárceldꞌe bꞌaira.

Hechos 24:22

Nokꞌo Félixba maʉ̃ta ũrĩbʉrʉdꞌera Jesúsdꞌebema ora bia kꞌawua bꞌʉba mawũãsia: Soldaorã nokꞌo wagꞌau Lisia naĩnu eidꞌu zebʉrʉdꞌe mʉãrã ma kꞌawuaya marãnebema.

Hechos 24:10

Nokꞌobara juwuaba Pabloa jarasia bedꞌeamarẽã, mawũẽ mawũãsia: Mʉãrã kꞌawua bꞌʉa bʉra año bio bata bedꞌea araa obꞌʉta kꞌãwũã daidꞌebemata, mawũẽ mʉrã wãnigua bedꞌeaya mʉzhikusa zhi kꞌarebaita.

Hechos 22:30

Nrũẽma soldaorã nokꞌota wagꞌaubara bia kꞌawua krĩñasia judíorãbara kꞌãrẽã jirpanʉta, mawũẽ cadena ẽnabisia. Mobe zebidꞌamarẽã jarasia nokꞌorã sacerdoterãta, nokꞌorã wagꞌaurã bawara. Mobe Pablo ãĩ edape kꞌobꞌʉsia ãzhi kĩrãbita.

Hechos 25:25

Mawũãmina mʉãrã kꞌawuasia izhi beadꞌaidꞌebema o ẽãta, izhira rey Augusto Césarba kꞌawua omarẽã krĩña bꞌʉba mʉãrã ya krĩchasia zokꞌaita izhima.