Hechos 27:24 - Porciones del Nuevo Testamento

²⁴ Ángelbara mʉãã mawũãsia: Pablo perarãrũã, bʉra jũẽĩbara rey César kĩrãbita. Maʉ̃sidꞌa mawũãne bʉkꞌareuba Daizezebara jõma bꞌeabiya barcodꞌe bʉ bawara didꞌira.

Hechos 27:24 Referans Kwoze

Hechos 23:11

Maʉ̃ diamase Nokꞌo Jesús zhi ũdubipe mawũãsia: Pablo, wãniguarua, Jerusalénne bʉa mʉnebemata jarabʉrʉ kĩrãkꞌa kꞌãwũã jaraibara Romanebidꞌa.

Mateo 10:28

Wawiarãũdua kꞌakua bea bꞌeta, maʉ̃rãbara jawurera bea bꞌedꞌa ẽã. Awuarabʉrʉ Daizezeta wawiaudua, izhara jawureta kꞌakuata zuburiabi bꞌeya tebʉdꞌe.

Hechos 9:15

Mawũãĩ Nokꞌobara mawũãsia: Wãrũã, maʉ̃ mʉã jʉrʉsia mʉnebemata jarakꞌa wãmarẽã judío ẽãta bꞌea, reyrãta bꞌea, Israel bꞌea.

Hechos 27:37

Daira barcodꞌera jõmaʉ̃ne duanasia dociento setenta y seis.

Hechos 27:44

Zhi wuaabema bꞌaribigasia ʉ̃kʉrʉ tabladꞌe, ʉ̃kʉrʉ barco bꞌʉgʉzoamane. Aramaʉ̃ne jõma ẽdrʉbʉdaba drua basidꞌa.

Hechos 25:11

Bia ẽãta mʉã osibʉrʉ, o mʉ beadꞌaidꞌebemata mʉã osibʉrʉ mʉrã beuama ẽã. Mawũãmina naʉ̃rãba mʉ jirpanʉnebemata miã kꞌãrẽta ne ẽbʉrʉ, mʉrã miõba chãbꞌari bꞌe ẽã ãzhaara. Mʉãrã krĩña bꞌʉa mʉrã rey Césarba kꞌawua oita.

Hechos 19:21

Maʉ̃ tẽã Pablora krĩchasia Jerusalén pʉwʉrʉedꞌa wãĩta pʉrrʉadꞌa tẽã Macedonia druadꞌe, Acaya druadꞌe. Maʉ̃nerã mawũãsia: Mʉrã Jerusalénne bꞌape wãĩ baraya Roma pʉwʉrʉidꞌubidꞌa.

Juan 11:9

Mawũãnaĩ Jesúsbara panaʉ̃ mawũãsia: ¿Ewarira doce hora ʉ̃na nʉmʉ ẽka? Ewaridꞌe nimirã tenedrʉ ẽã ẽjũã ʉ̃nata ũdu bꞌʉba.

Mateo 10:18

Nokꞌorã kĩrãbita, reyrã kĩrãbita marã ededꞌaya mʉ kꞌarea, aramaʉ̃ne marãbara mʉnebemata maʉ̃rãã jaradꞌaya, judíorã ẽãta bꞌeabidꞌa jaradꞌaya.

Hechos 27:31

Maʉ̃ne Pablobara soldaorã nokꞌoa soldaorãã mawũãsia: Naʉ̃rãta barcodꞌe kꞌopanʉ ẽbʉrʉ marã ẽdrʉdꞌa ẽã.

Hechos 27:42

Soldaorãbara krĩchasidꞌa jidakua erubꞌera beadꞌaita miõta tũẽ merũ wã ẽbamarẽã.